تنشيط «السياحة الداخلية» على حس «البرلمان».. تخفيضات وعروض

08:07 م | الأحد 09 أكتوبر 2016

«3 ليالٍ و4 أيام إلى شرم الشيخ أو الغردقة أو دهب بـ150 جنيهاً فقط، شاملة كل حاجة»، إعلان أطلقته أكثر من شركة سياحية بمناسبة مرور 150 عاماً على البرلمان المصرى، كمبادرة لتنشيط السياحة الداخلية على حس المناسبة التاريخية، وزيادة وعى كل مواطن بسياحة بلده وآثاره.

{long_qoute_1}

بعيداً عن الحملات الرسمية التى تنظمها الدولة مع كل مناسبة تاريخية، من بينها فتح المتاحف مجاناً أمام الجمهور فى ذكرى نصر أكتوبر قبل أيام، جاء قرار محمد النيلى، صاحب مكتب سياحة بوسط البلد وغيره من شركات ومكاتب السياحة، بتنظيم رحلات أسعارها مخفّضة بنحو أكثر من النصف عن سعرها الطبيعى فى الأيام العادية، التى حازت إعجاب الكثيرين والإقبال الكثيف عليها بحسب الرجل الخمسينى، يقول: «دى أقل حاجة ممكن أعملها لبلدى، وتخفيض سعر الرحلات للسياحة الداخلية على طول باعمله بنسبة بسيطة»، وتابع: «المرة دى قررت لو وصلت خسارتى فى الرحلات اللى نزلت عليها خصومات لأكتر من النص مش مهم، لأن الأهم عندى أننا نشارك فى تشجيع السياحة فى بلدنا وخصوصاً فى المناسبات التاريخية المهمة اللى زى البرلمان».

شعور سمير غنيم، صاحب شركة سياحة، بوجود مؤامرة ضد مصر دفعه إلى تبنى موقف الدعم للسياحة الداخلية كباقى أغلب الشركات «فى يوم تاريخى زى ده» على حد قوله، فالهدف بحسبه، ليس نسبة إشغالات الفنادق، وحصوله على نسبة، ولكن الهدف أن المواطن يحب المكان ويعود إليه باستمرار بعيداً عن المناسبات التاريخية التى اعتاد أن يخصص فيها عروضاً وتخفيضات على تكاليف الرحلات: «فيه ناس مش حابين الخير لمصر، وكل ما السياحة ترجع يحاولوا يرجعوها للأسوأ، عشان كده محتاجين السياحة الداخلية تتنشط أكتر من كده».