حمدي الميرغني يكشف أول موقف كوميدي في حياته: رهان بـ100 جنيه على فتاة
حمدي الميرغني يكشف أول موقف كوميدي في حياته: رهان بـ100 جنيه على فتاة
كشف الفنان حمدي الميرغني عن موقف كوميدي تعرض له في أول يوم في العام الدراسي الأول بالجامعة، حيث إنه تعرف على بعض الشباب في سكن الجامعة، وعندما رأوا إحدى الطالبات في المدرج تجلس بمفردها، قال له صديقه: "البت دي حلوة مش هترضى تكلم حد".
وأضاف الميرغني، خلال حواره في برنامج "معكم"، مع الإعلامية منى الشاذلي، على قناة "سي بي سي": "قولتله أنا هكلمها وهجيب رقمها كمان، وعملنا رهان على 100 جنيه، قمت روحت جنبها وقلت لها سلام عليكم، وبصراحة مكانتش طايقاني".
وتابع: "قلت لها لو سمحتي معاكي جدول الامتحانات، قالت لي إحنا في أول يوم دراسة، قلت لها أومال بيعاكسوا إزاي، قالت لي بيسألوا على جدول المحاضرات، وبقينا أصحاب بقى، قلت لها ممكن تعملي إنك بتديني رقمك عشان متراهن على 100 جنيه وأنا مزنوق فيهم بصراحة".
