مشرف أسفلت: «لازم نقدر المشروعات الجديدة حتى لو ظروف البلد صعبة»

07:56 م | الثلاثاء 04 أكتوبر 2016

أمام البوابة الرئيسية لمطار سفنكس التى تضم 6 مسارات دخول، و6 مسارات خروج، يقف سمير عبدالحميد، رجل فى أواخر الخمسين من عمره، قام بدوره فى مشروع مطار سفنكس، كمشرف إنشاء أسفلت. يقول، «بقالى أكتر من 20 سنة باشتغل فى الشركة، بحس بالفخر، كل لما أعدى من على طريق أو مشروع شاركت فيه، بحس إنى جزء من المكان اللى ساهمنا فى بنائه». يضيف «سمير» أن أصعب ما يقوم بتحمله فى عمله، هو الغياب عن بيته لفترات طويلة، واشتياقه للجو الأسرى، وهذا ما يعانى منه كل العاملين والمشرفين فى المشروعات الكبيرة، خاصة فى مشروع مطار سفنكس الدولى، حيث وضعت الشركة القاعدة الأهم من أول يوم عمل فى المشروع، وهى ممنوع الحصول على أى إجازات، قائلاً: «أنا أب لـ5 أطفال و4 بنات، إحنا محرومين من بعض شوية»، مكملاً أنه بالرغم من كونه من مدينة الإسكندرية، ومشروع مطار سفنكس على طريق القاهرة الإسكندرية الصحراوى، إلا أن الإجازات كانت قليلة جداً، على حد قوله.

«إحنا كلنا كمشاركين فى المشروع مبسوطين إننا مش أقل من أى حد وعندنا مهارات محترمة»، هذا ما يقوله «سمير»، موضحاً أن معظم المطارات تكون فى مناطق صحراوية بعيدة، وتتطلب دراسة جيولوجية، قبل بدء العمل بها، وتكون طبيعة الأرض رملية أو صخرية، وهى ظروف صعبة يبقى فيها العمال لفترات طويلة، حتى الانتهاء من المشروع، وفى هذا المطار على وجه التحديد، استمرت أعمال الحفر والردم لفترات طويلة.

ويضيف «سمير» قائلاً: «مطار برج العرب قريب من فكرة مطار سفنكس، وهو حالياً بيشتغل بدل مطار النزهة، لأن فيه تصليحات، ودور كل تلك المطارات تخفيف الحمل عن مطار القاهرة الدولى».

أما عن عمل «سمير» كمشرف أسفلت فيقول: «مهما كان التعب، الواحد بيبقى حاسس بالفخر، وهو شايف شغله فى الآخر متقن، ومظبوط 100% زى المسطرة ودى حاجة بتفرحنا لما نعدى على مشروع كبير ونبقى عارفين إننا اللى عملناه بإيدينا».