سكان 26 يوليو نظفوها وجمّلوها بالجهود الذاتية

09:06 م | الاثنين 22 أغسطس 2016

حرصهم على إظهار القاهرة نظيفة، جعلهم يُنظفون حديقة بشارع 26 يوليو فى وسط البلد، ويحيطونها بسور، ويُعلقون لوحات تحث المواطنين على المحافظة عليها وعدم إلقاء أى قمامة فيها. سكان منطقة 26 يوليو نظّفوا الحديقة وجمّلوها بلوحات خشبية ملونة بعلم مصر، مكتوب على كل لوحة عبارة لبث الانتماء فى نفوس المارة، ومنها «يا حبيبتى يا مصر»، «يا رب احفظ مصر»، «لحظة من فضلك.. اترك المكان نظيفاً».

{long_qoute_1}

أحمد سامى فى الخمسينات من عمره، صاحب محل لبيع الملابس فى المنطقة، قال: «الحكاية بدأت، لما شاب صغير اسمه محمد فتحى كان صاحب فرشة كتب وجد أن الناس اللى بتمر بالمنطقة، بيستخدموا الحديقة كمقلب زبالة، فلجأ إلى الفكرة دى، وأصحاب المحلات كلهم والعمارات شاركوه». وحسب «سامى»، بنى «فتحى» سور الحديقة وجمّله بالجهود الذاتية: «كان ولد شاطر وشكله مثقف، بدأ يكتب بنفسه كل العبارات اللى موجودة وركبها مع السكان حول الحديقة، جُمل قصيرة بيحاول فيها يقول للناس إن مصر دى بتاعتنا ولازم نحافظ عليها، جمل كتبها بخط واضح عند خطاط علشان الكل ياخد باله منها، بس للأسف رغم اللى عمله، إلا أنه ساب المنطقة دلوقتى».