حلمي عن صورة "سيارته": "لما أوجه رسالة لحد مش هعمل كدة على مواقع التواصل"

11:19 ص | الاثنين 25 يوليو 2016

قال الفنان أحمد حلمي، إن ما حدث بعد نشره صورة في سيارته، الميني كوبر القديمة، والتي قام بالتصوير بها في فيلم "ظرف طارق"، والتي فسرها الكثير على أنها بغرض، توجيه رساله لزميله الفنان محمد رمضان، أحزنه كثيرًا.

وأكد حلمي، عبر حسابه الشخصي على موقع التواصل الاجتماعي "فيس بوك"، "لو عايز أوجه رسالة لأي شخص أعرفه جيدًا أو حتى لا أعرفه، مش هعمل كده على مواقع التواصل الاجتماعي، لأني عمري ما عملت كده أبداً، لأني ببساطة ممكن أبعتله رسالة على موبيله، أو هكلمه في التليفون".

وأوضح حلمي، "الكلام الذي كتبه تحت الصورة، والذي فسره الكثير بطريقه غير صحيحة، مع أنه فعلًا ما يخصش حد خالص غير واحد صاحبي هو الوحيد اللي هايفهمه، لأني قايله بسبب موقف طريف حصل معانا، وليه علاقه بالعربية الميني، علشان كده نهيت الكلام المكتوب بجملة ده كلام في سرك ... ششش".

واختتم حلمي كلامه بتوجيه رسالة للفنان محمد رمضان "زميلي العزيز محمد رمضان.. ربنا معاك ويوفقك دايمًا وتحقق كل اللي نفسك فيه في حياتك الفنية".