حلم «الطفل محمد».. حذاء طبى جديد بـ1000 جنيه

09:23 م | الخميس 07 يوليو 2016

كعادتها منذ أشهر، تجلس «هدى» على أريكة بالية داخل غرفتها الضيقة الآيلة للسقوط، تحتضن صغيرها «محمد»، 11 شهراً، تذهب بخيالها إلى عالم آخر، ترى فيه ابنها يلهو ويلعب كغيره من الأطفال الأسوياء، تلتصق قدماه بالأرض ويمشى متزناً بلا عوائق، إلا أنها سرعان ما تستيقظ على الواقع البائس الذى جعلها عاجزة حتى عن مساعدة ابنها فى الحصول على «حذاء طبى» بـ1000 جنيه قد يمكنه من السير فى المستقبل.

{long_qoute_1}

تتذكر الأم اليوم الذى أخبرها فيه الطبيب أنها حامل فى الشهر الرابع، وتعنف نفسها: «لم أعلم أنى حامل، ولو عرفت ما كنتش تناولت دواء الحساسية.. وبسبب ده محمد اتولد برجلين من غير كعب، الدكتور بدأ يعالجه من أول يوم اتولد فيه، وقالى لازم نعمله عملية فوراً».

خوف شديد تملك «هدى» بعد أن حدد الطبيب موعد إجراء العملية، تقول الأم: «عملنا العملية على نفقة الدولة، بعدها الدكتور قال إنه محتاج عملية كمان، وكتب له على جزمة طبية نشتريها ويفضل لابسها لمدة 6 شهور عشان رجله تتعدل ويقدر يمشى عليها كويس لما يكبر».

معاناة شديدة تكبدتها الأم قبل 7 أشهر لجمع 800 جنيه ثمن الحذاء الأول، تقول وهى تتأمل طفلها: «جوزى شغال بتاع شاى ومعايا بنت فى إعدادى، الفلوس كلها بتروح على دروسها ومصاريف البيت، استلفت من إخواتى وجيرانى وجمعت المبلغ وجبتله الجزمة الحمد لله».

لم تنته الأزمة بعد، فبعد مرور الـ6 أشهر، صُدمت الأم بمأساة جديدة عقب ذهابها إلى المستشفى: «الدكتور كتب له على جزمة تانية بـ1000 جنيه، وقالى إن علاجه هياخد فترة عشان يقدر يمشى زى الأطفال، مر شهر ومش معانا نجيب له الجزمة الجديدة، ولسه القديمة فى رجله وخايفة يكون غلط عليه».