ثقوب «الكاوتش» بفعل فاعل فى «محطات البنزين».. و«الخابور» بـ50 جنيهاً

11:03 م | السبت 18 يونيو 2016

«خلى بالك من بتاع الكاوتش والخابور». تحذيرات من عمليات النصب، جاءت على لسان كريم شمس الدين، الذى عايش ما يتم فى ورش إصلاح الإطارات ومحطات البنزين، من خلال تجربته الشخصية، ويسرد أساليب الغش، فى الخدمات التى تقدمها تلك المحطات.

{long_qoute_1}

حالات عديدة عانت من طريقة النصب نفسها، «عمرو»، الذى يعمل بإحدى محطات البنزين، نبه أصحاب السيارات بالتعامل بحرص مع مراكز إطارات السيارات فى المحطات: «حضرتك بتدخل المحطة وأنت بتموّن فيتم الإيحاء ليك بأن العجلة مريحة، تدخل علشان تظبط الإطار، يتم ثقب العجلة بمسمار، ويضيف عليه 4 أو 5 أخرام كمان، وبيحضرلك خابور بيقولك تمنه 20 جنيه، وتمن العلبة بالكامل 30 جنيه، تكون أنت أكلت الطعم، ويلبسك فى الأربع عجلات وتلاقى نفسك حسابك 700 جنيه، ده غير إن الكاوتش باظ». تجربة «كريم»، مصمم الجرافيك الثلاثينى، أكدت جانباً مما حكاه «عمرو»، ويقول: «تبقى ماشى لا بيك ولا عليك تلاقى العجلة مهوية، تقوم داخل على بتاع كاوتش ربنا حدفك عنده، يقولك: حاضر يا بيه هازودلك الكاوتش، ويجيب معاه إزازة ميه كده محطوط فيها حاجة غريبة، ويحطها على الكوتش، يقولك العجلة عايزة تتلحم».

التسعيرة، بحسب «كريم»، تختلف من شخص لآخر: «يقولك هنلحمها لك بخابور، سعره بيوصل 25 جنيه، ولو أنت ابن ناس وحالتك كويسة هيوصل 50 جنيه»، ويتابع مأساته، التى تكررت مرتين، الأولى فى أحد محلات الكاوتش بشارع «لطفى السيد» والثانية داخل إحدى محطات تموين البنزين: «يحط لك فى الكاوتش 10 خوابير، يعنى يصلح الفردة بـ250 جنيه، وممكن توصل 300 جنيه، ولو اعترضت يقولك مش أنت اللى عاوز، فعلاً أسوأ أنواع النصب، إنه يتنصب عليك بمزاجك».