أيمن بهجت قمر لمدير "روتانا": "أبقى طمّاع أحسن ما أبقى من الأنطاع"

03:32 م | الخميس 16 يونيو 2016

استمرار لأزمة الشاعر الغنائي أيمن بهجت قمر، وشركة "روتانا" للصوتيات والمرئيات، بعد تصريحات سالم الهندي، المدير التنفيذي لشركة "روتانا"، عن أيمن بهجت قمر، واتهام الأخير بأنه طمّاع بأحد البرامج الإذاعية، قرر الشاعر الشهير الرد عليه عبر حسابه بموقع "فيس بوك".

وكتب قمر: "الشيء اللي أنا هشهره دلوقتي ده بيغلط فيا وبيقول عليا طماع عشان كشفت إنهم بياخدوا تلت الأداء العلني بتاعي أنا وعدد كبير من زمايلي من الساسام والساسام رجعوا لنا حقوقنا منهم بعد مشكلتي معاهم في روتانا".

وتابع: "الشيء ده أثبتلي إنه ف منصب كل همه يصحى يكوي جلبيته وبس ومش فاهم حاجه وبيتكلم، أنا على فكره عمري ما اتكلمت معاهم ف الديجيتال أنا اتكلمت ف أدائي العلني وإن يبقى عندي حريه أدّي الأغنيه لمين يستغلها إعلان أو لما تتغنى برة ودي أبسط حقوقي القانونية يا جاهل يا شيء :).. لو أنا طماع ماكنتش خسرتكوا يا أبو الجلاليب..عمومًا أنا موافق أبقى طماع على الأقل أفضل ما أبقى من الأنطاع".

الجدير بالذكر أن أزمة "روتانا" وقمر مستمرة منذ سنوات، وبسببها أعلن الشاعر الشهير مقاطعة المطرب عمرو دياب، خاصة وأن ألبوماته كانت من إنتاج الشركة السعودية، قبل أن يفسخ التعاقد مؤخرا.