يافطة صيدلية على كشك: كلمة السر «الوفاء»

10:51 م | الاثنين 13 يونيو 2016

كشك خشبى صغير تعلوه لافتة مكتوب عليها «صيدلية الدكتور محمد يوسف الحديثة»، تناقض لفت أنظار المارة ودفعهم إلى سؤال صاحبة الكشك الذى يقع فى منطقة الدقى، عن العلاقة بين ما يُقدّمه الكشك من حلوى وبسكويت، وبين تلك اللافتة التى عُلّقت على واجهته. تضحك «أم حنين» صاحبة الكشك وتروى حكاية اللافتة: «دكتور أحمد ممكن مايكونش حد يعرفه، لكن الرجل ده كان بيساعدنى وحنين عليا أنا واولادى وعيلتى، وعمرى ما كنت فى زنقة فى يوم وسابنا، كان راجل صاحب خير كتير، وبعد ما اتوفى واولاده باعوا الصيدلية، قلت لهم أنا كل اللى طالباه اليافطة اللى عليها اسمه وعلقتها عندى، كنت عايزة أعمل حاجة أرد بيها الجميل».

تذرف «أم حنين» دموعها على الرجل الذى أحسن إليها كثيراً خلال حياتها المليئة بالمطبات والعثرات: «والله قاعدين فى أوضة واحدة أنا وجوزى وبنتى وابن أخو جوزى الصغير باربيه، بندفع 250 تمن الأوضة دى، وأهى عيشة».

تنحدر «أم حنين» من أصل نوبى، لكنها عاشت وتربت فى الدقى، وخلال حياتها تعرّفت على الكثير من الأشخاص كان أفضلهم صاحب الصيدلية: «الوفا قل فى الزمن ده، وأنا باحاول أعمل حاجة بسيطة أبين بيها، أنه لسه فيه وفا للناس الكويسة».