بازارات الغردقة تغير نشاطها: بلاها أنتيكات.. خليها مايوهات

09:32 م | الأحد 12 يونيو 2016

تراجع الحركة السياحية وقلة الإقبال على المنتجات ذات الطابع الفرعونى، والتى كان السائحون يتهافتون عليها، دفع أصحاب البازارات فى مدينة الغردقة إلى تغيير نشاطهم وعرض مايوهات إسلامية وأغراض البحر والمصايف حتى يوقفوا نزيف الخسارة التى يتكبدونها يومياً، حمادة عمران صاحب بازار فى شارع الشيراتون السياحى، قال إن تراجع السياحة الوافدة إلى الغردقة تسبب فى تراجع حركتى البيع والشراء فى البازارات السياحية التى كانت تعتمد بشكل رئيسى على السياحة، وهو ما دفعه وعدداً من أصحاب البازارات إلى تغيير النشاط ورفع التماثيل والأنتيكات «اللى مابتجبش فلوس» من على الأرفف واستبدالها بمنتجات أخرى تناسب احتياجات المواطن المصرى الذى يزور الغردقة فى الإجازة: «أنا عندى التزامات وبدفع إيجارات والأنتيكات دى مش ماشية فى البيع مع المصريين وفى نفس الوقت مفيش سياح، قلت بلاش منها وجبت اللى يناسب المصريين اللى بييجوا يصيفوا فى الغردقة».عصام على، صاحب بازار سياحى، قال إن أزمة السياحة اشتدت ووصلت إلى أدنى مستوياتها عقب حادث سقوط الطائرة الروسية فى سيناء: «من ساعتها وإحنا بنعانى ومفيش أى تحرك من جانب الدولة لإنقاذ العاملين فى مجال السياحة». انتهاء العام الدراسى وبدء توافد المصريين على مدينة الغردقة لقضاء الإجازة فرصة انتهزها أصحاب البازارات لتحقيق أى مكسب: «قلنا نوفر لهم احتياجات المصايف من عوامات وتيشرتات بحر ومايوه إسلامى».