أحمد عز لـ"زينة": "رجولتي تمنعني اتكلم حتى لو هفتح كشك سجاير"
أحمد عز لـ"زينة": "رجولتي تمنعني اتكلم حتى لو هفتح كشك سجاير"
قال الفنان أحمد عز، عن خلافه مع الفنانة زينة، في قضية النسب: "كلامي مش هيتغير من هنا لحد ما أموت، ومعنديش قلق من القضية دي".
وأضاف عز، ساخرا في مداخلة هاتفية عبر قناة Correct: "أنا متأكد وربنا عالم بالحقيقة، صورتي عند ربنا أهم من صورتي عند الناس، حتى لو هبطل تمثيل وهفتح كشك سجاير، أنا مش بهزر في الحاجات زي دي.. الموضوع منتهي".
وواصل تعليقه، بشأن خلافه مع زينة على قضية النسب: "حتى لو حاولتي تعملي ايه تكتبي أو تغلطي أو تأجري ناس تكتب، فربنا اللي مقدره هو اللي هيحصل، واللي عارفني عن قرب متأكدين إني معملش كده، وعارفين أنا مين ومتربي ازاي، ولكن سنُة الحياة كل ما يبقى فيه نجاح لازم يبقى فيه هجوم".
وأكد: "للمرة المليون، مش ههزر مع ربنا مهما حصل، لو هفتح كشك سجاير ومش هتكلم في أعراض عشان عيب رجولتي تمنعني أتكلم في حاجة زي دي".
