انقطاع المياه يؤرق سكان القاهرة الجديدة: «جتنا نيلة فى حظنا الهباب»

07:42 م | الثلاثاء 26 أبريل 2016

«مفيش أخبار جديدة عن الميه؟»، «إحنا لازم نعمل زار علشان نصرف العفريت اللى بيلعب فى الميه»، «هى الميه بتقطع كل يوم ولا إيه اللى بيحصل؟»، «جابوها وإحنا نايمين.. وقطعوها لما صحينا وده الطبيعى للدولة اللى بتقطع الكهرباء بالليل وتسيبها والعة بالنهار»، كانت تلك بعض تعليقات سكان مناطق القاهرة الجديدة، نتيجة الانقطاع المتكرر لمياه الشرب وتحديداً مناطق التجمع والرحاب، حيث وصل الانقطاع إلى ثلاثة أيام متواصلة دون جدوى، حسب المهندس محمود صبرى، أحد سكان التجمع الخامس.

لم يكن يتوقع سكان التجمع أن يواجهوا أزمة انقطاع المياه بعد انتقالهم للمعيشة بمناطق اعتقدوا أنها ستتوافر فيها جميع الخدمات، إلا أنهم للعام الثالث على التوالى يواجهون أزمة تؤرقهم وهى انقطاع مياه الشرب طيلة شهور الصيف: «إحنا فعلاً بنحقد على أى حد ساكن بره القاهرة الجديدة وبنقول لهم انتو فى نعمة، إحنا مشكلة الميه بتواجهنا كل صيف ومفيش حل». الانقطاع المتكرر للمياه دفع السكان إلى مخاطبة المسئولين بالجهاز لمعرفة الأسباب من خلال خدمات «الواتس أب» والأرقام المخصصة لرصد الشكاوى داخل الجهاز، إلا أن الرد دائماً يأتيهم «المواسير مكسورة والصرف الصحى بايظ». من جانبه قال المهندس علاء عبدالعزيز، رئيس جهاز مدينة القاهرة الجديدة، إن أزمة المياه حدثت نتيجة أعمال صيانة من قبل شركة المياه وإنه لا تعمد فى قطعها عن المواطنين: «مش مظبوط إن الميه لسه قاطعة هو كان فى كسر وخلص».