شريف مدكور: الإعلام يتاجر بالأيتام في عيدهم و"بيجبلي اكتئاب"
شريف مدكور: الإعلام يتاجر بالأيتام في عيدهم و"بيجبلي اكتئاب"
قال الإعلامي شريف مدكور، إن ما تقوم به وسائل الإعلام في احتفالها بعيد اليتيم والذي يوافق الأول من أبريل، يُعد متاجرة بهم، مضيفًا: "فيه حاجات بتحصل من الإعلام في اليوم ده مش لطيف، يعني تلاقي الكاميرات والقنوات رايحة دور الأيتام، والإعلاميون والفنانون يدوا لعب للأطفال وكأنها شو إعلامي".
وتابع مدكور، خلال تقديمه برنامج "كلام خفيف"، على شبكة "نجوم إف إم"، "فيه طفل يتيم قالي إنتم بتيجوا تتفرجوا علينا، وتتاجروا بينا، وأنا من يومها مش بروح أي دور أيتام في عيدهم، لأن لو عاوزين نساندهم لازم نروحلهم كل يوم ونساندهم في حياتهم الصعبة بعد وفاة أباءهم".
وأشار إلى أن "الدعاية لليوم ده في التليفزيون بتكون سيئة، وبتخلي الواحد يصاب باكتئاب، ونحن لازم نساند الأيتام كل يوم ونكون معاهم مش نجرحهم في يوم ونتاجر بيهم".
