قاموس الأم المصرية فى 10 خطوات: قول حاضر حتى لو منفذتش.. وأجِّل طلباتك لوقت المسلسل

02:51 م | الاثنين 21 مارس 2016

شكوى متكررة يتداولها الاصدقاء دون سماع شكوى عن سوء التعامل مع "الأم" والحيرة الدائمة في ارضائها، والنصيحة باتت أمر تقليدي بالنسبة للشاكي، لكن التجارب والخبرات مع المواقف، جعلت كل شاب له قاموس خاص للتعامل مع "والدته".

يقول أنطون رامز، أنه حبه لوالدته، لا يمكن وصفه فى كتب أو بيوت شعر، لكنهما مثل " الناقر والنقير" دائما فى البيت، لذلك يتبع معها بعض اساليب التعامل الذى اكتسبها من أخوه الاكبر سنا، منها " قول حاضر وريحها"، " بلاش تقولها مش هذاكر، ادخل اوضتك ونام بعد كدا".

أما رنين محمد، فعلاقتها بوالدتها جعلتهما أصدقاء، لكن دائما تأخذ حذرها تقول " انا بحكلها اللي انا عايزة اقوله، لكن هي بتكون عايزة اخبار مصر كلها مني على طريقة انها توقعنى فى الكلام عشان احكة كل حاجة عني وعن صحابي عشان تعرف شخصياتهم من حكاياتى لها"، فوضعت "رنين" قاموس ايضا لها اوله " الصداقة حاجة وانك تفتن على اصحابك مع مامتك حاجة تانية خالص ".

الامر نفسه طرحته احدى صحفات الفيس بوك بمناسبة عيد الام للسؤال عن القاموس الشخصى للتعامل مع الام خاصة فى المواقف المعروفة للام المصرية "المذاكرة، النجاح، الرسوب، الاعياد، طلب الفلوس، محاولة اخفاء سر، علاقات الابناء باصدقائهم، وغيرها من المواقف ومنها تقدم صحبة ما استخلصته من آراء الشباب عن فى نقاط محددة والتى بمثابة قواعد التعامل مع الام المصرية فى عشر خطوات:

1- توقف عن سؤلها "انتى بتحبينى"، فجوابها سيكون " اغسل الاطباق الاول وبعدين نحب في بعض "

2- اذا كنت لا تمارس الرياضة، فعليك اتقان رياضة " نط الحبل" لأنها تفيدك في "حرب الضرب بالشباشب"

3- سلح نفسك وقت الشجار معها وابتعد عن النوافذ الزجاجية، ومهما تقدمت هي عليك، " خليك ثابت" حتى لا تكون نهايتك في "كوم الزجاج".

4- اختر الوقت المناسب لسؤالها عن الفلوس "بعد القبض باسبوع متسألهاش"

5- ضحكك باستمرار أمامها، لا يعنى انك أبن "كيوت"، ففي ذهنها تقول " خلفت عبيط".

6- من الحكمة ان تجعل والدتك صديقتك ولكن بحدود "اياك تعترف بكل حاجة ".

7- كلمة حاضر هى الحل السحري لكل طلباتها "قول حاضر وريحها حتى لو منفذتش"

8- اختار الوقت المناسب لطلب الخروج مع اصدقائك او السفر فى رحلة "كلمها وقت المسلسل اللى بتحبه هتوافق من غير تركيز"

9- خليك عشوائي في أي مكان في الشقة، الا "المطبخ" فهو مملكتها الخاصة "ممنوع الاقتراب".

10- لو فكرت تشترى ليها هدية في عيد الأم متجبش حاجة للشقة او المطبخ اختار هدية تستخدمها بنفسها "الموبايل صديقها الاول".