إيهاب بحر: مساعدة "مريهان" التونسية قالت لي إنتوا ظباط "..".. و"أنا معملتش أي حاجة"

08:57 م | السبت 05 مارس 2016

تنفرد "الوطن" بنشر التحقيقات في قضية الممثلة ميرهان حسين، وضباط الهرم، التي جرت تفاصيلها الثلاثاء الماضي في كمين الرماية، وتنشر "الوطن" أقوال الضابط إيهاب بحر في القضية.

يقول الضابط إيهاب، في التحقيقات: "البنت اللي مع مريهان اللي هي التونسية، واللي كانت بتقول برضه ضباط «.. .. .. ..»، وأنا هخلي السفارة تجيبلي حقي، والمصريين يروحوا يلمعوا الجزم عندنا في تونس، وإنتوا بتعملوا كده مع الحريم في مصر كده بالليل، وبعد كده راح القسم في العربية بتاعة ميرهان حسين، وأنا أخذت اللي اسمه أحمد ضياء الدين، الماكير، في البوكس، وتوجهت على القسم لتحرير المحضر، وعمل اللازم، وعملنا محضر بالواقعة وحتى الزجاجتين والكوب الزجاجي اللي لقيناهم معاها في العربية علشان أنا نسيت أقول إن أنا والنقيب مصطفى فتشنا عربيتها، ولقيت فيها زجاجتين خمرة ولقينا فيها آثار خمرة، وهو ده كل اللي حصل".

وأضاف: "أنا كنت واقف في خدمة القول الأمني بالمنطقة الثالثة فيصل والمؤدي لميدان الرماية علشان أؤدي عملي، وكان معايا النقيب مصطفى توفيق، وكذا القوة المرافقة من أفراد وأمناء الشرطة والمباحث السريين، ومريهان اعتدت علينا بالسب والشتم والألفاظ الخارجة وخبطتني بالعربية ووقعتني على الأرض وتعدت بالضرب على النقيب مصطفى توفيق".

وحول الألفاظ التي قالتها "مريهان" تحديدًا، قال: "هيا قالت لي «. .. .. .. » وأنا «. .. .. .. » هوريك وهخليكوا توطوا على جزمتي و«.. .. .. .. »، وأنا هفرجكوا إزاي توقفوني"، وحول ما بدر منه آنذاك، رد: "أنا معملتش أي حاجة، وأمرت القوة المرافقة بعدم الامتثال ليها وذلك على مرأى من الشهود، وأمام جميع الناس الواقفة بالكمين".