باسم يوسف عن توقف "البرنامج" بسبب الإعلانات: "كأن برامج دلوقتي مفرتكة الترنك"

12:39 م | الأربعاء 10 فبراير 2016

تهكم الإعلامي باسم يوسف على مطالبة بعض الناس بعودة برنامج "البرنامج" مرة أخرى، لافتا إلى أنه ليس بيده الأمر، مستنكرا ما يتردد عن توقف البرنامج بسبب قلة الإعلانات أو عزوف الناس عن مشاهدة البرنامج.

وكتب باسم، في تدوينة عبر موقع التواصل الاجتماعي "فيس بوك"، "بأحب قوي إن الإعلامي من دول يقولك المفروض باسم يوسف ولا غيره يرجع تاني، وكأن مثلا إحنا اللي اخترنا نوقف البرنامج بنفسنا، وصحينا الصبح قفلنا المحل، لكن طبعا عقلية الإنكار بتاعة إن البرنامج وقف عشان الناس بطلت تتفرج ولا عشان الإعلانات قلت، كأن البرامج الموجودة دلوقتي مفرتكة الترنك من المشاهدة".

وأضاف "المهم لطيف قوي التعامل مع وقف أو منع البرامج كإننا عايشين في فراغ.. الناس بتوقف لوحدها، البرامج بتقف لوحدها، الناس بتمشي من البلد بمزاجها، حاجات لطيفة قوي".

وتابع باسم، "المهم بعد البوست اللي فات ده قلت أفضفض حبتين، برحب بيكم في الصفحة الرسمية بتاعتي.. ساعات الـ140 حرف بيكونوا مش كفاية الواحد يقول اللي عايزة، إن شاء الله أتواصل مع الناس هنا إلى جانب تويتر وإنستجرام".