بالفيديو| عقب مغادرة وزير الصحة.. مريضة بـ"مستشفى بولاق": كل اللي شافه نفاق.. ونعاني من الإهمال

10:54 م | الثلاثاء 05 يناير 2016

قالت أحدى المريضات في مستشفي بولاق إن ما رآه وزير الصحة أحمد عماد، اليوم، هو نفاق "أجي اكشف أسنان هو بتاع الباطنة وكان ليا واحدة صاحبتي عندها السرطان ماكشفوش عليها إلا لما المرض اتمكن منها وكشفت برة وهنا مابيكشفوش والجبس من برة والعلاج من برة والمستشفي الناس بتضرب في بعض والنهاردة الدنيا رايقة وجميلة حلوة"، فيما تدخل أحد الأطباء العاملين بالمستشفي قائلا "مافيش هنا نفاق واللي انتي بتقوليه ده غلط" حت ردت السيدة عليه قائله "أكثر المستشفيات فيها فساد هي بولاق بولاق بولاق".

بينما قال أحد الموظفيين العاملين بالمستشفي أنه لا يوجد حق يأخذه العمال بالرغم من خدمتهم للمستشفي، موضحا أن "الوزير قد حضر دون وجود مدير المستشفي من الأساس والمستشفي فيها سلبيات كتير والمستشفي بتخدم 2 مليون ومافيهاش قسطرة قلب وهما بيطورا الحجات الخارجية بس الداخلية مافيش اي حاجة اتعملت".