«واتس آب» الشركة: «الميه هترجع النهارده إن شاء الله»

08:23 م | الجمعة 01 يناير 2016

«المفروض النهارده إن شاء الله، إنما تحديداً إمتى، ده يتوقف على انتهاء أعمال الإصلاح وإعادة ضخ المياه، ونعتذر عن استمرار انقطاع المياه»، مضمون الرسالة الموحّدة التى يستقبلها المواطنون على خدمة «واتس آب» الخاصة بالشركة القابضة للمياه والصرف الصحى، تختلف الشكوى ويتباين الاستفسار وتتغير منطقة السائل، إلا أن الرد واحد فى كل مرة، يأتى سريعاً على الهاتف المحمول بعد ثوانٍ من إرسال الرسالة، دون انتظار أو تحقّق من الشكوى.

{long_qoute_1}

محمد فخرى، الموظف الذى عانى من استمرار انقطاع المياه بمنطقته «النرجس» فى القاهرة الجديدة، وعدم رد الخطوط الساخنة فى أكثر من واقعة سابقة، حسبما أشار، قام بتجربة رقم «واتس آب» للشكاوى، الخاص بشركة المياه، فى أكثر من مرة، لكن يأتيه الرد واحداً لا يتغير فى كل تجربة: «الرقم مفتوح 24 ساعة، لكن ردهم واحد مابيتغيرش، أياً كانت مشكلتى إيه، يعنى تقريباً بيبقوا عاملينها Copy، عشان يتم إرسالها نصاً لأى شكوى».

«رقم الشكوى مجرد سد خانة»، الجملة التى لخص بها الرجل الأربعينى تجربته مع خدمة «واتس آب» لشركة المياه: «خليت زوجتى وعيالى كلهم يسجلوا الرقم على تليفوناتهم، وكل واحد فيهم بعت شكوى غير التانى، ونفس الرد جالنا فى نفس الثانية»، ساخراً: «دول حافظين مش فاهمين»، مضيفاً: «بعت ليهم فى يوم إنى من منطقة النرجس والميه قاطعة عندى، ولقيتهم بعتوا ليا إنها هترجع النهارده، وهى كانت موجودة أساساً، ومش قاطعة».

«الوطن» أجرت محاولة، للتأكد من الخدمة، والرسالة نفسها تلقتها، بعد أن استفسرت عشوائياً عن انقطاع المياه فى حى الدقى، فجاء الرد: «المفروض النهارده إن شاء الله، إنما تحديداً إمتى، ده يتوقف على انتهاء أعمال الإصلاح وإعادة ضخ المياه».