نشطاء "فيس بوك" عن نية الأسواني "الهجرة": "سافر وشعلل الربيع الأمريكي"

03:08 م | الأربعاء 23 ديسمبر 2015

أكدت مصادر مطلعة صباح اليوم، أن الروائي علاء الأسواني، قدم طلبا للسفارة الأمريكية للهجرة، اليوم، خلال زيارته لمقر السفارة في جاردن سيتي.

وعلق نشطاء موقع التواصل الاجتماعي "فيس بوك"، على الخبر الذي انفردت "الوطن" بنشره صباح اليوم، حيث علق حسين قائلا: "مش هيسيب مصر والعز والفلوس والشهرة عشان يروح أمريكا ويتعامل معاملة الزنوج، كل الموضوع إن الأسواني عايز الباسبور الأمريكي كنوع من الحماية، لما يتقبض عليه يتصل بالسفارة، بس هو ده الموضوع".

وأضاف كمال: "نصيحة للأسواني، لون بشرتك في أمريكا هيصنفك من الزنوج، يعني مش هتقدر تسكن في أحياء للبيض، وهتكون مجبر على السكن مع الزنوج، نصيحة.. اوعى تسافر أمريكا إلا لو كنت ناوي تشعلل الربيع الأمريكي، ينتفض فيه السود على البيض"، بينما قال صبري: "خش على قطر يا معلم وسيبك من أمريكا".

وقال محمد فؤاد: "يقدم أوراق هجرة ليه، هو ميعرفش يسافر المكان اللي هو عايزه من غير هجرة، ولا هو هري وخلاص"، بينما كتب خالد: "أول ما هيوصل أمريكا هيهاجم مصر ويعمل فيها بطل، ميعرفش انه أساس بطل.. ولكن من ورق"، بينما قالت ياسمين: "بالسلامة.. بس ياريت تبطل تكتب مقالاتك من هناك وتنسى البلد".