وحدة وطنية: عروسة نصها «مولد» والتانى «كريسماس»

10:37 م | الاثنين 21 ديسمبر 2015

تزامُن الاحتفالات بالمولد النبوى مع أعياد الميلاد هذا العام كان أمرا مبهجاً بالنسبة لـ«عبده»، صاحب محل حلوى فى السيدة زينب، الذى قرر الخروج عن المألوف والجمع بين الاحتفالين، فى عروسة واحدة، نصفها مزين بزينة «المولد النبوى» والنصف الآخر مزين بزينة «الكريسماس»، وهى الفكرة التى لاقت إقبالاً من زبائنه.

«كنت قاصد أعمل ده كنوع من الوحدة الوطنية، حتى لو فى حاجة بسيطة زى عروسة المولد»، قالها «عبده»، الذى وضع العروسة بشكل واضح على باب محله، ليراها الجميع، العروسة مزينة بالكرات الحمراء الملونة التى تستخدم فى تزيين أشجار أعياد الميلاد وكذلك الإكسسوارات الذهبية الصغيرة التى تستخدم فى تزيين البيوت: «العروسة الحلاوة ما بقتش تتباع، كل اللى موجود فى السوق هو عرايس بلاستيك مستوردة من الصين، ومعظمها شكله غريب، فمثلاً تلاقى عروسة محجبة وعروسة لابسة لبس ولد، مع إن العروسة القديمة شكلها أحلى وأقيم».

العروسة التى يعرضها «عبده» للبيع تبدأ أسعارها من 100 جنيه والحجم الكبير يصل إلى 120 جنيهاً، ويرى أنها ليست مرتفعة السعر، لأن زينتها تمت بشكل يدوى فى محله الصغير، كما أنها ليست موجودة فى أى مكان آخر حسب قوله: «المحلات كلها بقت شبه بعض أما أنا عروستى مش هتلاقيها فى أى مكان تانى»، مضيفاً: «أنا لقيت الناس بتجيب شجرة الكريسماس وعروسة المولد وحيرانين فى سعر الاتنين، فقلت أوفر عليهم وأعمل لهم عروسة تجمع بين المناسبتين».