السيسي عن "الإرهابيين": "لا بيعرفوا يبنوا ولا عايزين حد يبني.. لكن احنا هنتحداهم"

01:13 م | السبت 28 نوفمبر 2015

قال الرئيس عبدالفتاح السيسي، إن الحكومة اختارت الطريق الصعب في بناء قناة السويس، مضيفًا: "كان من الممكن أن نعطي لكل شاب 10 آلاف جنيه، ويبدأ كل منهم مشروعه الخاص، لكن هذا يعني أننا غسلنا أيدينا من أولادنا، وكل هذه المشاريع وضعنا بها مليارات الجنيهات، إحنا مبنضحكش على حد، إحنا صادقين، بناء البلاد والدول مش كده، بناء البلاد محتاج جهد وعرق وشرف".

وأضاف السيسي، خلال كلمته في احتفالية بدء مشروع تنمية شرق بورسعيد، اليوم: "أرجو من الإعلاميين، ينظموا رحلات للقاء العاملين هنا في المنطقة، الذين لم نعرف عنهم شيء، ده تحدي التحدي، تحدي الإرهاب اللي عايز يعطل مصر"، مضيفًا: "لا هما بيعرفوا يبنوا ولا عايزين حد تانى يبني، هما بيعرفوا يهدوا بس، وده تحدي، وإحنا هنبني بفضل الله رغم كل الإرهاب".

وتابع الرئيس: "نعاني من الفساد، لكننا نحاربه ونبني وسنبني وهذا التحدي الثاني، أما التحدي الثالث فهو التحدى الاقتصادي"، مضيفًا: "لازم تخلوا بالكم، اتجهوا كويس لبلدكم، إحنا كلنا اتفقنا اننا هناخد بالنا كلنا من مصر مش انا بس، أنا مش هعرف أعمل ده لوحدي، الدولة مبتعملش شعب، الشعب هو اللي بيعمل الدولة وبيحافظ عليها".