سعد سمير يكشف سر شاشة علي ماهر في معسكر منتخب مصر

كشف سعد سمير، لاعب النادي الأهلي السابق ومدير الكرة بنادي سيراميكا كليوباترا الحالي، عن سر شاشة علي ماهر، المدير الفني الجديد لمنتخب مصر، في معسكر الفراعنة.

وقال سمير، في تصريحات تليفزيونية له: «الشاشة الخاصة في معسكر منتخب مصر بيحاول من خلالها يوصل أفكاره للاعبين بشكل عملي وسريع وبيشرح التمرين على الشاشة وبعض الجمل الفنية لو عايز يطبقها وبيكون لمدة دقيقتين أو تلاتة قبل التمرين وبيحب لما يكون عايز يوصل حاجة قبل التمرين يكون اللاعب شافها على الشاشة».

سعد سمير يكشف أسلوب وفكر علي ماهر

وتابع: «علي ماهر كمان بيحفظ اللاعيبة وبيشغلهم بالكرة طوال الوقت بشاشات في كل مكان خلال المعسكر يعني في الجاكوزي وفي الجيم طول ما انت في الأماكن دي قدامك شاشات بتعرض الشغل الفني والتكتيكي الخاص بيه ونقاط قوة وضعف الفريق الخصم كمان».

وكان سعد سمير ارتبط اسمه بالتواجد في جهاز المنتخب الوطني من خلال منصب مدير المنتخب إلا أنه لم يحدث أي تواصل رسمي فيما كشف علي ماهر بأنه يرفض هذا المنصب معه خلال الفترة المقبلة.

• علي ماهر
• منتخب مصر