بالفيديو| ضحية إهمال "قصر العيني": "الدود أكل رجلي.. وكل شوية يقولوا هاتي فلوس"

08:22 ص | الجمعة 13 نوفمبر 2015

قالت سعدية السيد، ضحية الإهمال في مستشفى القصر العيني، إن قدمها "تعفنت تمامًا" والجرح أتعبها، مضيفة: "عايزة أقطع رجلي ومش عارفة، رجلي بقت زي السمكة المهرية".

وتابعت سعدية، خلال مداخلة مع الإعلامي جابر القرموطي، خلال برنامجه "مانشيت"، عبر فضائية "أون تي في"، "عملولي عملية في رجلي من تحت ومنفعتش، ورجلي ماتت من تحت، وأنا تعبانة، وكل شوية يقولولي هاتي فلوس".

واستطردت: "الدودة بتجري في رجلي زي الكلب الميت، والدود بقى ينزل قدامهم ويجري على السرير ومحدش بيسأل فيا، وعيالي يصوتوا ومفيش فايدة، وأما آجي أغير على رجلي يشتموني".