عمرو سمير عاطف يرد على السخرية من "ضابط الإسكندرية": كان بطل وواقف من 6 الصبح

01:33 م | الاثنين 26 أكتوبر 2015

استنكر السيناريست عمرو سمير عاطف، السخرية من الضابط الذي وقف أمام بركة المياه، وقال: "يا جماعة الضابط اللي كان واقف قدام الميه فيه صديق عزيز ضابط شرطة أثق فيه ومتأكد من كلامه، يعرفه وبعتلي الكلام ده إحنا بنعتذر للضابط وربنا يكون في عون اللي بيشتغل في ظروف صعبة زي دي".

وقال السيناريست، عبر صفحته الشخصية على "فيسبوك": "بالنسبة لصورة الضابط اللي الناس صورته ومنزله صورته ونازلين تريقة عليه في إسكندرية بسبب شكله وهو وواقف قدام المية اللي مغرقه الشارع الضابط ده كان بطل جمهورية في التايكوندو في يوم من الأيام وبعد ما تعرض لحادث وعمل عملية في العمود الفقري حصل له كده مع مرور الوقت، من الجانب الشكلي من ناحية تانية ده من أقدم ضباط مرور إسكندريه من قبل ما حتى إسكندرية ما تتطور في عهد عبدالسلام محجوب".

وأضاف: "اشتغل في أماكن كتير وكان ضابط له شخصية قوية اشتغل في أكتر الأماكن ازدحام وعشوائية والناس كانت بتعمل له ألف حساب ولم يسلم من التريقة من السائقين ولكن كان دايما واثق من نفسه، دمه خفيف جدا والناس كلها بتحبه، على فكرة الضابط ده من الساعة 6ص وهو في الشارع، ضباط تانية كانت بتتابع الموقف من عالفيسبوك".

واختتم قائلا: "كل التقدير للضابط المحترم وكل الضباط اللي كانوا في الشارع وبيعملو اللي عليهم وزيادة".