«النور» يلجأ للتخويف: «لو مصاوّتش لنا ماتزعلش لو فرضوا خلع النقاب»

03:33 ص | الجمعة 02 أكتوبر 2015

فى أسلوب دعائى اعتبره النشطاء سيراً على خطى تنظيم الإخوان، اختار أعضاء حزب النور بالإسكندرية تحفيز أنصاره والمتعاطفين معه للتصويت لهم خلال انتخابات مجلس النواب المقبلة عن طريق ترهيبهم بعبارات تزعم أن الحريات الدينية فى خطر فى حال ما إذا فشل حزبهم فى الحصول على مقاعد فى البرلمان.

{long_qoute_1}

وأبرز ربيع السلفى، عضو حزب النور بأمانة الرمل فى الإسكندرية، من خلال صفحته على موقع التواصل الاجتماعى «فيس بوك»، خبر منع المنتقبات من التدريس فى جامعة القاهرة، معلقاً عليه قائلاً: حضرتك لسه عاوز تقاطع الانتخابات وكمان مش عاوز تنزّل زوجتك تدلى بصوتها؟، متزعلش لو فرضوا خلع النقاب فى الشارع، علشان كده صوتى لحزب النور». ووجه مستخدمو «فيس بوك» انتقاداتهم لأسلوب عضو حزب النور. وقال حمادة العراقى، فى تعليقه: «التجارة شطارة، وانت شاطر يا شيخ وبتعرف تتاجر بأى خبر أو حوار لتحقيق مكاسب حزبية، بس بردو محدش هينزل»، فيما قال «أبومروان» ساخراً: «انتو بقى اللى هتطبقوا الشريعة؟». وأضاف أحمد صادق: «انت بتعمل زى الإخوان أيام التعديلات الدستورية ٢٠١١ لما قالوا قول نعم للهوية الإسلامية ونعم للشريعة وعايزين نقضى على العلمانية علشان الناس تنزل وتجرى وخلاص، يعنى من الآخر خليت نجاح حزب النور هو اللى هيقف فى وش العلمانية، ياريت تعرف إنى مش ضد الحزب بس ضد فكرة استغلال الدين فى التوجيه وبردو لو نجحتم هتبقوا زى الإخوان أيام مبارك».

أما إيهاب القسطاوى، منسق حركة «تغيير» بالإسكندرية، فقال لـ«الوطن»: حزب النور والدعوة السلفية يسيران على نفس خطى تنظيم الإخوان الإرهابى، بدون أى تجديد أو تطوير ولا حتى من باب الخديعة والتلاعب، ويظن أن المصريين مجموعة من فاقدى الذاكرة الذين يمكنهم نسيان الأيام السوداء التى قضوها أثناء حكم التنظيم الإخوانى. وأضاف: السلفيون يعيدون إنتاج نسخة بالية من تكتيك الإخوان، ويخدعون الفقراء بأن فوزهم هو المنقذ للدين.