محمود ياسين جونيور عن اعترافه بعلاقته مع الشغالة في مسلسل وتقابل حبيب: الدرس كان قاسٍ
محمود ياسين جونيور عن اعترافه بعلاقته مع الشغالة في مسلسل وتقابل حبيب: الدرس كان قاسٍ
كشف الفنان محمود ياسين جونيور، عبر حسابه بموقع تبادل الفيديوهات والصور «انستجرام»، تفاصيل والأبعاد النفسية التي تعرض لها حازم الذي يجسده خلال أحداث مسلسل وتقابل حبيب.
وشارك محمود ياسين جونيور مشهد اعترافه لزوجته بعلاقته مع الشغالة في مسلسل وتقابل حبيب معلقا: «حازم كان دائماً فاكر إن الدنيا بتمشي على مزاجه، وإن كل حاجة هتحصل زي ما هو عايز، اتربى على الدلع الزايد، فتخيل إن الحياة سهلة، وإنه مهما غلط، هيلاقي طريقة يخرج منها من غير تمن حقيقي، لكن النهاردة، لأول مرة، حس إنه لوحده… وعرف إن القوة اللي كان شايفها في نفسه مجرد وهم، وإنه أضعف بكتير مما كان يتخيل».
محمود ياسين جونيور: خايف من الاعتراف بالغلط
وأضاف ياسين قائلا: «مشكلته مكنتش بس في الغلط اللي استمر فيه سنين، لكن في خوفه من الاعتراف بيه، في إنه طول الوقت كان شايل همه يتكشف بدل ما يدور على حل. ولما اللحظة الحاسمة وصلت، ماكنش عارف يطلب المساعدة، لأنه كان أسير للخوف والغرور».
واختتم: «حازم خسر النهاردة أكتر من مجرد سر، خسر أكتر حد بيحبه، واكتشف إن المصايب عمرها ما بتيجي فرادى.. وإنه كان أكبر مساهم في ضياع نفسه. الدرس كان قاسي، لكنه كان لازم يتعلمه، حتى لو كان بعد فوات الأوان».
