الجماهير تحاول فك رموز مسلسل لام شمسية.. ما سر رواية الشطار؟
الجماهير تحاول فك رموز مسلسل لام شمسية.. ما سر رواية الشطار؟
يستمر مسلسل لام شمسية في طرح ألغاز لم يفك الجمهور شيفرتها بعد، ورغم تسارع وتيرة الأحداث، يظل الغموض مسيطرًا، مما دفع الجمهور إلى تكثيف توقعاتهم حول شخصيات المسلسل. خصوصًا شخصية وسام التي يؤديها محمد شاهين، والتي تكتنفها جوانب خفية بعد اتهامه بالتحرش بابن صديقه يوسف. فما هي توقعات الجمهور؟
ماذا قالت الجماهير عن شخصية وسام في مسلسل لام شمسية؟
وقال أحد المتابعين للمسلسل، عن مشهد قراءة محمد شاهين لرواية الشطار: بداية من الرموز على البوسترات.. مرورًا بالحلم.. والنهاردة الرواية! صعب أصدق إن في حاجة بتحصل بالصدفة في لام شمسية، النهاردة وسام ظهر وهو بيقرأ رواية الشطّار .. كتير ممكن يكونوا خدوا بالهم، وكتير دوروا عليها، وأنا كنت واحد منهم.
وأضاف: ولقيت ان الرواية بتحكي عن شخص مهمّش، ضايع وسط الحياة والمجتمع، بيحاول يلاقي مكانه في عالم شايف إنه قاسي بيحكم عليه قبل ما يفهمه" اختيار الرواية أكيد مش عشوائي .. بالعكس حسيت كأنها رسالة غير مباشرة عن نظرته لنفسه .. وسام شايف نفسه مظـ!ـلوم وضحية!! وده بان من أول جملة قالها لما عرف باتهامهم ليه: "هما بيعملوا فيا كده ليه؟
هل يعاني وسام من اضطراب نفسي؟
واستمر في تحليل شخصية وسام في مسلسل لام شمسية: الإحساس إن الدنيا والمجتمع وأقرب الناس جايين عليك .. ده اللي ظهر في كلامه، وواضح إنه ده اللي مسيطر ع تفكيره عشان كده اختار رواية زي دي، التفاصيل دي هي اللي بتميز عمل مكتوب بحرفية عن أي حاجة تانية.. كل مشهد، كل عنصر، ليه معنى أعمق من اللي ظاهر قدامك وده أجمل ما في لام شمسية، مش بس بيناقش قضية مهمة، لكنه بيحطك قدام لعبة نفسية، هو فعلا عمل كده؟ ولا مظـ!ـلوم؟ بس بتفصيلة الرواية، ونظرته لنفسه كمهمش.. ومع نظرة مراته ليه ورغبتها الشديدة ان بنته تبعد عنه .. أشك.
بينما أضاف آخر: وسام هيبقي اتعرض للتحرش وهو صغير ومن شخص قريب جدا منه ولما كبر عمل نفس الفعل مش عارفه يبقي ضحية ازاي ويتحول لشخص جاني بنفس الفعل الي اتأذى به، وقال أحد المتابعين للمسلسل: قرأت روايه الشطار اكتر من مرة من حوالي 5 سنوات..ايوة فيها تماس مع قضيه المسلسل لكن العمل ككل اظنه مختلف عن سيناريوا الشطار.. وهو وولاد الشمس الافضل هاذا الموسم.
