مطالب بجزء جديد من مسلسل كامل العدد يمتد لـ30 حلقة.. ماذا قالت الجماهير؟
مطالب بجزء جديد من مسلسل كامل العدد يمتد لـ30 حلقة.. ماذا قالت الجماهير؟
حقق مسلسل كامل العدد نسبة مشاهدة مرتفعة للموسم الثالث تواليا، إذ لاقت قصته العائلية استحسان الجمهور، خاصة أنه جمع بين الكوميديا والرومانسية في قالب اجتماعي بسيط، وشكل الأداء المميز لأبطاله، وعلى رأسهم دينا الشربيني وشريف سلامة، عنصر جذب رئيسي، ما جعل المشاهدون يشعرون بأن 15 حلقة لم تكن كافية لاستكشاف الشخصيات وتطوراتها بشكل أعمق، وطالبوا بأجزاء جديدة في السنوات المقبلة تمتد لـ30 حلقة.
الجماهير تطالب بجزء جديد من كامل العدد
وكانت ضمن المطالبين بجزء جديد من المسلسل، الإعلامية رولا خرسا، التي كتبت عبر حسابها على «فيسبوك»، رسالة طويلة لصناع العمل، إذ كتبت: «مش مقتنعة أن كامل العدد خلص، اعملوه 30 حلقة مش 15، وكل رمضان لو سمحتم، عايزة أشوف بطولات شريف وعلاقة أخوة رائعة بين مالك وحمزة وفرحتي أن مالك صاحب أخيراـ وأمينة وفريدة حيعملوا إيه في لم الزبالة وسيف حيرجع ولا لأ.. وعمر الصغير فظيع فظيع وحسن وحسين وأختهم الاروبة اللي ماشيين وراها».
كامل العدد يخطف قلوب الجماهير
وأضافت: «حب الفنانة الكبيرة اللي مثلت دور واحد في حياتها مامة شريف سلامة لزوجها ودفا علاقتهم، أحلي حاجة في المسلسل أني بحس أني كام شبه دينا الشربيني، أوي محدش يقرب من عيالي.. وفكرة أن مفيش فرق بين أولادي وأولادك حلوة حلاوة غير عادية.. إنجي المقدم اضافة جميلة بتفكرني بنفسي أوي نباتية وبتحب الطبيعة.. بس أنا بشرب لبن مش بسيبه لأولاد البقرة».
وأكملت حديثها عن العمل: «أحلي حاجة في المسلسل كم الحب اللي فيه حتى ميمي جمال شربات تجنن قدرت تخلي حسين فهمي يحبها.. وموللي حبت الكاتب الصعيدي.. ما هذا القدر من الحب الي بتحسسونا بيه؟ ده سر خلطة المسلسل.. حتي بدرة القمرية اما طلع الي بتحبه نصاب خدوا الموضوع عادي ووقفوا معاها، كل اللي في المسلسل طيبين بيحبوا بعض، ده حتي يزبك بقي طيب، وأنا بحبكم واحد واحد، منشنوا لهم وقولوا لهم رولا بتقول لكم عايزين أجزاء كتير تانية.. اديتوني إحساس مسلسل friends.. اللي هو مهما أشوفه مازهقش.. كل الشكر لكل واحد فيكم.. اسعدتونا».
بينما قالت أخرى عن هذه المطالب: «بجد يا رولا مسلسل رائع وفيه معاني كتير للأسره، وعجبني مشهد أحمد وهو بيقول لفريدة لما عمل معاها مشكلة كبيرة، قالها ليه مش شبعانة فى حضن أبوكي، إيه اللي بتدوري عليه بره،» وأضافت أخرى: «جرعة حب مكثفة فى 15 يوم الواحد مش عارف هيكمل إزاى باقى رمضان من غيرهم، كل سنة بنحبهم أكتر وبيعلوا سقف الطموحات فى لمة العيلة أكتر وأكتر، شابووووه لكل واحد فيهم فرحتونا بطلتكوا والأداء اللي كان حقيقي أكتر من اللزوم».
في ظل المطالب المتزايدة، لم يعلن فريق العمل حتى الآن عن أي قرارات رسمية بخصوص جزء جديد، في حين قالت دينا الشربيني في تصريحات سابقة، إنها مع صناع العمل قد يدرسون فكرة الجزء الرابع بسبب المطالبات الجماهيرية، رغم أنهم قرروا الاكتفاء بالأجزاء الثلاثة، لكنها في الوقت ذاته لم تعد بالجزء الرابع.
