إشادة واسعة من الجمهور بعد عرض برومو مسلسل الأميرة - ضل حيطة.. قضية مهمة
إشادة واسعة من الجمهور بعد عرض برومو مسلسل الأميرة - ضل حيطة.. قضية مهمة
في سياق الدراما الرمضانية المشتعل، تمكن مسلسل الأميرة من خطف أنظار الجماهير، وحصد إشادات واسعة على منصات التواصل الاجتماعي، والذي يجمع بين الفنانة ياسمين صبري والفنان نيقولا معوض، إذ لاقى استحسانًا كبيرًا بسبب قصته المشوقة وأداء أبطاله المتميز.
الجماهير تشيد بتطور أداء ياسمين صبري في مسلسل الأميرة
تدور أحداث المسلسل في إطار درامي اجتماعي، وتتناول قضايا تهم المرأة العربية، وأشاد الجمهور بأداء ياسمين صبري، والأمر ذاته بالنسبة لنيقولا معوض الذي يجسد دور البطولة أمامها، كما أثنى الجمهور على القصة المشوقة والأحداث المتلاحقة التي تجعلهم في حالة ترقب دائم، خاصة أنها تناقش قضية مهمة وهي الشريك النرجسي والمتحكم.
تعليقات الجماهير على مسلسل الأميرة – ضل حيطة
عبر الجمهور عن إعجابهم بالمسلسل عبر منصات التواصل الاجتماعي، حيث انتشرت العديد من التعليقات التي تشيد بأداء الأبطال والقصة والإخراج، كما أشاد البعض بالجرأة في طرح بعض القضايا الاجتماعية التي يتناولها المسلسل.
وكتبت فتاة على «فيسبوك»: «حقيقي شابو ياسمين صبري السنة دي، المسلسل اللي بتقدمه بيناقش قضية مهمة جدا، وهي الراجل النرجسي اللي موجود في أغلب بيوت مصر، الراجل النرجسي بيكون حنين ومتفاهم ومتسامح قدام الناس، لكنه مؤذي نفسيا وجسديا ومحتكر مراته في البيت، دايما بيتباهي بنفسه وباللي حققه، دايما بيتلاعب بالطرف التاني وبيستغله، دايما بيقلل من الطرف التاني وبيدي تعليقات سلبية علي كل تصرفاتة حتي لو كانت تافهة، دايما شايف نفسه أعلي من الكل، دايما بيرمي اللوم والمسئولية على الطرف التاني، دايما شايف أن كل حاجة بتحصل هي غلط أي حد تاني غيره، وعمره ما بيعتذر ولا بيبادر بالصلح حتي لو هو اللي غلطان، فياريت المسلسل ده يكون توعية للبنات اللي بتتشد للنوعية دي من الرجالة وبتكون فاكرة أنها هتعيش في جنه معاه والحقيقة أنه فخ كبير وحقيقتة بتظهر بعد فوات الأوان».
وأضافت أخرى: «شفت مشهد من مسلسل الأميرة بتاع ياسمين صبري بصراحة هيخليني أجيب المسلسل وأشوفه فوراً، مش بس عشان مستوى ياسمين صبري في التمثيل اتطور جدا، بس عشان المشهد فرسني، دلوقتي أستاذ كنافة بالقشطة جوزها ده المفروض إن هو طالع شخص نرجسي وكده وعايز يلغي وجودها والكلام التوكسيك ده كله»
وتابعت: «لكن المشهد وضح ده إزاي؟ صحيت من النوم لقته باعت إيميل استقاله من وراها، حركة وحشة طبعاً، لو كان المشهد وقف هنا عادي، لكن هو لما هي واجهته قالها هو أنتي شغلك ده مرتبك فيه كام 8 آلاف جنية في الشهر في 12، وكنتي هتشتغلي في عمرك كله عشرين سنه كمان، يعني كله على بعضه مليون ونص، وقام لافح شنطة من تحت الترابيزة وفاتحها قدامها وقالها دول اتنين مليون جنيه خديهم وسابها ومشي، فأنا دلوقتي مش فاهمة هل ده كده أقصى تخيل عن الشخص التوكسيك، ولا ده جايزة كسبتها في برنامج ابعت كلمة دريم أو حلم، يعني بعيداً عن الناس اللي هتتفلسف في التعليقات وتتكلم عن إنه الـtoxicity مبدأ وكده والفلوس مش هتبقي فكرة إنه بيحاول يلغي شخصيتها».
وواصلت: «بس حد ينده حد ينده حد يقول لحد يراعى نفسية الستات اللي بتشوف النموذج ده بس قرديحي، بدون تعويضات، ولا النموذج العكس بقي اللي بيجبرها تشتغل حتى لو شغل ما بتحبوش وعارف إنه بيطحن ذاتها برده بس المهم تصرف معاه وعليه»
