شريف عامر لـ«كلم ربنا»: الرضا جزء من الإيمان.. وموت صديقي علمني الكثير
شريف عامر لـ«كلم ربنا»: الرضا جزء من الإيمان.. وموت صديقي علمني الكثير
قال الإعلامي شريف عامر، إنه كان لديه صديق «صديقي حسين اللي سميت ابنى على اسمه عشان يطلع زيه، وهو أول واحد اتوفى في أصدقائي، نام مصحيش وهو عنده 20 سنة، يوميها كان بينا ميعاد وأنا مرحتش، ومقبلتش عزاه من حد، ولا أي كلام يواسيني، وقلت لربنا أنا مش مبسوط، ويا رب لازم أشوفه لما أموت، وعاتبته: «قلت أنت عملت فيا كده لي؟».
شريف عامر: الرضا جزء من الإيمان
وأضاف «عامر»، خلال حواره لبرنامج «كلم ربنا»، تقديم الكاتب الصحفي أحمد الخطيب على الراديو «9090»: «عزاء حسين كأنه عزاء رئيس وزراء، لكن اعتقدت وقتها إن ربنا قبل كلامي، لكن حسيت إني كنت بجح أوي لأن قولتله يعني سبت كل الناس، وكان وقتها في حرب تحرير الكويت وخدت ده، لكن تعلمت الدرس إن هناك قدر، وكمان تعلمت درس الافتقاد، لكن جزء من الإيمان هو الرضا، وكنت بسمع إن العم محمود السعدني كان يقول يا رب أنا حبيبك، وفهمت إنه حاجات بتحصل بنعرف معناها بعدين، لأنه نهايته دي كان ممكن أحسن له، وكل 9 نوفمبر بفتكره من 30 سنة، وحسين ابني اتولد 14 نوفمبر».
وأضاف: «قولت لربنا خدت واحد هاتلي واحد وفعلا ده اللي حصل، ونوفمبر شهر من افتقدت ومن رزقت، ومن هنا جاتني فكرة ان ربنا بيحبني، وكنت بقول لأصدقائي أنا هدخل الجنة، وحتى إن تجاوزت يقابل ذلك السماح والاستيعاب، لكن ممكن تتظاهر قدام أي حد إلا ربنا، وبقيت بحب أدعي بره الصلاة، يعنى الصلاة فرض، لكن دعائي الجانبي هو حق الله عليا».
