الفنان شريف دسوقي يكشف لـ«كلم ربنا»: عن مآساته في 60 يوما

روى الفنان شريف الدسوقي، تفاصيل معاناته ومأساته التي مر بها قبل أشهر، عقب إصابة قدمه بـ«غرغرينا» وتعرضه للبتر دون علمه داخل المستشفي، بعد أن استنفذ كل مراحل العلاج.

شريف دسوقي: الإصابة بدأت بنقطة حمراء صغيرة

وقال «دسوقي»، فى حوار إنساني مع برنامج «كلّم ربنا»، الدي يُقدمه الكاتب الصحفي أحمد الخطيب، علي الراديو 9090، إن «الإصابة بدأت بنقطة حمراء صغيرة في قصبة رجلي، وكل الدكاترة الجادين قالوا إني اللي حصل حالة نادرة، وفي ظرف شهرين بس (60 يوما)، رجلي تدهورت ووصلت لحالة غرغرينا، وكل طبيب كان عنده تشخيص مختلف، (واحد يقول بكتيريا، واللي يقول حساسية)، وخلال شهر، النقطة الصغيرة دي بقت جرح غائر طوله أكتر من 30 سم».

وأوضح: «الدكاترة الكبار لما كانوا يشوفوا الجرح، كنت بصعب عليهم لأن المنظر كان صعب جدا، أنا كنت شايف عضم رجلي من جوة، وحالتي النفسية تدهورت»، متابعا: «ربنا أكرمني بالنجمة بدرية طلبة، والدكتور أشرف زكي، وزمايلي في مسلسل بـ100 وش وقفوا جنبي وحاولوا يقنعوني أروح للدكتور، لكن (بدرية) عملت حيلة نفسية لما الدكتور قال لها: (إحنا وصلنا لمرحلة البتر)، لكنها مقالتليش، وقالت لي: (بكرة ناخد حقنة ورجلنا هتخف)، ومكنتش عارف إن دي حقنة البنج عشان البتر».

شريف دسوقي يتحدث عن لحظة معرفته ببتر قدمه

وعن لحظة اكتشافه «بتر قدمه»، قال: «بعد الإفاقة من البنج اكتشفت إن رجلي مش موجودة، قطعوها، وكان ممكن انهار، لكن علاقتي بربنا اللي كانت ممتدة خصوصا عبر البحر في الإسكندرية، خلتني استقبل الموقف بهدوء، وجاتني رسالة داخلية كأنها خاطر: (متتكلمش خالص عن قطع رجلك)، وتجاوزت المحنة دي بفضل الطبطبة الإلهية، وخلتني قدرت أواجه الموقف بابتسامة».

• الفنان شريف لدسوقي
• كلم ربنا