«باب رزق» يكشف سر المذاق الأصلي للعيش البلدي: «العجينة والطاقية»
«باب رزق» يكشف سر المذاق الأصلي للعيش البلدي: «العجينة والطاقية»
قال مصطفى القوصي، صاحب أقدم عائلة تعمل في صناعة العيش البلدي بمصر، إن العيش البلدي بمذاقه وحلاوته «مش موجود غير عندنا في مصر»، موضحًا أن السر في طعمه الأصيل يعود إلى طريقة العجين والتسوية الخاصة.
عجينة مختلفة عن السوق
وأضاف «القوصي» خلال استضافته ببرنامج «باب رزق»، المذاع على قناة dmc، ويقدمه الإعلامي يسري الفخراني: «العجينة بتاعتنا مختلفة عن اللي في السوق، احنا بنمسك العجين ونعمله بإتقان، والسر الأكبر في (الطاقية)، وهي الجزء اللي بيضبط الرغيف من فوق وتحت ويكمل له الطعم»، لافتا إلى أن الخبز زمان كان يتم باستخدام الأخشاب وكسر الخشب، وكانت له رائحة مميزة.
وأوضح أن الرغيف يقضي في الطاقية حوالي 4 دقائق ليخرج طريا ولذيذا، أما الرغيف الكبير فيحتاج لـ5 دقائق حتى يكتمل نضجه.
وتحدث مصطفى القوصي عن ذكرياته في فرن العائلة القديم بشارع المعز، قائلا: «زمان كانت ستات البيوت بتعجن في البيت، وتطلب منّا الصبي ياخد العجين للفرن، كنا بنستلم العجين ونفرده وندخله الفرن، لو فيه 50 رغيف، كنا نقسمهم على سبع طوايل علشان يستووا كويس، نصهم يطلع طري والنص التاني (ملدن) ناشف».
وتابع: «العيش الملدن كان بيتنقل من طاقية للتانية، والفرن التاني كان بناره الهادية يطلعه ناشف وجميل، وكل ده بنعمله عشان نحافظ على الطعم الأصيل اللي ورثناه عن أجدادنا من أكتر من 100 سنة».
