كيف تحمي نفسك من الوقوع في فخ الـ«Deepfake»؟.. خبير تقني يجيب

08:06 م | الأربعاء 26 فبراير 2025

خلال السنوات الماضية، انتشرت بشكل كبير عمليات الاحتيال بواسطة خاصية الـDeepfake، الفخ الذي استطاع إسقاط الملايين، بسبب التقنية الدقيقة المستخدمة فيه، هي خوارزميات الذكاء الاصطناعي، لكن هناك طريقة لتحصين نفسك من هذه المكيدة، يكشفه لنا، خبير الأمن السيبراني والذكاء الاصطناعي، محمد مغربي.

آخر عمليات فخ الـDeepfake

وفقا لموقع «ndtv»، في الساعات الماضية خسر رجل صيني 28 ألف دولار بسبب الذكاء الاصطناعي، إذ استخدم مجموعة من المحتالون تقنية الـDeepfake في إنشاء صورا وفيديوهات لفتاة فاتنة للارتباط به، التي طلبت منه تحويل هذا المبلغ لفتح عمل تجاري خاص بها، ومساعدة أحد أقاربها في دفع الفواتير الطبية، وبعد أن حوّل الأموال في الحساب الذي يظنه تابعَا لها، اختفت على الفور.

واستخدم المحتالون في هذه العملية تقنية Deepfake لتزوير بطاقة شخصية وصور وفيديوهات للسيدة «جياو»، التي من المفترض أنها كانت في علاقة مع الضحية الصينية.

تقنية الـDeepfake وطرق الحماية منها

أوضح «مغربي» الطريقة التي يستخدم بها المحتالون تقنية Deepfake، خاصة بعد انتشارها الواسع في الوقت الحالي، وقال: «دلوقتي بقى سهل جدًا على أي حد يعمل فيديوهات مفبركة باستخدام الـAI، وده اللي بنسميه Deepfake، يعني فيديو بيبان كأنه حقيقي لكنه في الحقيقة متصنع بالكامل باستخدام الذكاء الاصطناعي».

أشار خبير الأمن السيبراني والذكاء الاصطناعي، إلى طريقة يمكن من خلالها التفريق بين الفيديو الحقيقي والمفبرك، وقال«أول حاجة ركز على حركة الوش والعيون، لأن كتير من الفيديوهات دي بيكون فيها مشكلة في الـFacial Expressions، تلاقي الوش مش متناسق مع الكلام أو العينين مش بترمش بشكل طبيعي».

كما تحدث عن طريقة أخرى يمكن من خلالها كشف هذه العملية عن طريق الصوت: «لو حسيت إن الصوت مش ماشي 100% مع حركة الشفايف، ده ممكن يكون Lip Sync Issue، وده بيحصل في الفيديوهات اللي بتستخدم AI Voice Cloning، يعني الصوت بيتقلد لكنه مش متزامن صح مع الفم».

نصح «مغربي» أيضًا بالتركيز على الجلد وتفاصيل الوجه، الذي قد لا يكون واضحًا، وذلك ببب تقنية AI Smoothing Effect المستخدمة فيه: «دي بتخلي الصورة شكلها طبيعي لكنه ساعات بيسيب علامات زي وش ناعم أوي أو تفاصيل مفقودة.. وكما الإضاءة والظلال، لأن كتير من فيديوهات الـDeepfake مش بتظبطها كويس، فممكن تلاقي الإضاءة مش ماشية طبيعي على الوش أو الظل مش منطقي»، بالإضافة إلى التحقق من حركات الشخص داخل الفيديو: «لو حسيت إن الفيديو فيه Glitches أو أجزاء صغيرة بتبوظ لحظة كده وترجع، ده برضه من علامات التزييف».

أدوات تكشف لك الفيديوهات المفبركة بالذكاء الاصطناعي

أشار «مغربي» إلى بعض الأدوات التي يمكن الاستعانة بها في الكشف عن الفيديوهات المفبركة بالذكاء الاصطناعي: «لو عايز تتحقق أكتر، جرب تحط الفيديو في أدوات تحليل زي Deepware Scanner أو InVID، ودي أدوات بتساعد في كشف التلاعب بالفيديوهات»، كما نصح باستخدام ميزة Reverse Image Search لأي لقطة من الفيديو باستخدام Google Lens أو TinEye.