لفت نظرى صديقى محمد الميكانيكى، وهو من مواليد اليوم نفسه الذى وُلدت فيه، 12 أغسطس، إلى أن زبائنه من مواليد برج الأسد «ناس جدعان» رجالة وستات، على تحد تعبيره. صديقى بيعمل مخالفة دستورية بأنه يميز بين المواطنين على أساس البرج. هو يعتبر ابتداءً مواليد شهرى يوليو وأغسطس أولاد عمومة، ولا بد أن تكون لهم معاملة خاصة. قلت له: «أنا ماليش أوى فى موضوع الأبراج ده يا محمد». فما كان منه إلا أن أخرج ما يعتبره هو «مراجع علمية» فى الموضوع وأهمها وأخطرها موقع الأبراج على «الفيس بوك بوك». وقال لى: انت لازم تفخر بالبرج بتاعنا وتكتب مقالة عن الموضوع ده. الناس بتوع برج الأسد دول لازم يكون لهم وضعهم فى المجتمع، ولازم يساعدوا بعض، أمال أسود إزاى. قلت له: ما أكيد فى كل الأبراج فيه خصائص جيدة وناس محترمة ينتمون إليها. قال لى: كل واحد يخليه فى البرج بتاعه. سمى انت الله كده وادعم قضيتنا. فشلت كل محاولاتى لإقناعه بأننى مش مقتنع، وانتهى به الأمر أن حمّلنى مسئولية إبلاغ المنتمين إلى هذا البرج بأهمية أن يكون لديهم الوعى الكافى بخصائص برجهم وبالدور التاريخى الذى يمكن أن يلعبوه فى تحديد مصير البشرية لو أدركوا القيم العظمى الموجودة فيهم واستفادوا منها.
وفى سبيل الدفاع عن وجهة نظره أخرج لى مرجعاً «علمياً» من «الفيس بوك» يتضمن الكلام التالى:
‫#‏برج_الأسد.. البرج النارى الملكى اللى بيتميز بالفخر والكرم الشديد.. القادة الأقوية أصحاب الأخلاق النبيلة وطيبة القلب، اللى من خططهم إزاى يسعدوا اللى حواليهم.. وأهم مميزات برج الأسد:
1 - الثقة بالنفس:
أصحاب برج الأسد ممكن يبانوا مغرورين أو متعالين عشان ثقتهم بنفسهم بتبقى زيادة شوية، بس ده يبان من بعيد فقط.. الحقيقة أن الأسديين متواضعين جداً جداً.. وخاصية الثقة فى النفس دى بتشتغل بشكل غير متوقع، يعنى مثلاً فى أى مشكلة هم أول ناس بتلوم نفسها وبيبقى عندهم تحمّل كامل للمسئولية وبيتحولوا من شخص يبان مغرور إلى شخص واعى للمواقف، مراعى مشاعر الآخرين ومتواضع..
2 - أصحاب رؤى ومقنعين:
مواليد برج الأسد بيعرفوا يشوفوا الصورة من بعيد، بكل أبعادها، أصحاب مبادئ ورؤى، نقدر نقول إنهم بيبقوا معتزين بأفكارهم وفخورين بيها لدرجة قوية جداً.. بارعين فى فن الإقناع! بيعرفوا إزاى يتكلموا بشغف وبطريقة كلها دراما! ويوصّلوا رسالتهم للى قدامهم صح جداً وبقوة، ويعرفوا يأثروا عليه.. وبيعملوا ده بمنتهى حسن النية من غير خبث ولا لف ودوران! دى بتبقى شخصيتهم الحماسية الطبيعية..
3 - عشاق سخيين:
نقدر نقول بكل ثقة أن الحب هو أهم حاجة فى حياة الأسديين.. هما عشاق سخيين جداً، مخلصين، وحياتهم بتزدهر لما شريكهم يكون بيبادلهم نفس المشاعر والعكس صحيح، بمجرد أنهم يحسوا أن شريكهم فقد اهتمامه هتلاقيهم قلبهم انكسر وبمنتهى البساطة.. الأسد فى الحب بيخلق علاقة كلها دفء ومشاعر جياشة وعلاقة بلا ملل! هم أشخاص قلبهم كبير ومتسامحون وبيعيشوا وحياتهم بتتمحور بس حوالين اللى بيحبوه.
4 - قادة ومبدعون!
صفة القيادة وروح التحدى والإصرار من أكثر صفات المنتمين إلى هذا البرج، وفيهم المبدعون العظماء اللى صعب أنهم يتكرروا تانى.
5 - الكرم الشديد!
مواليد برج الأسد كُرما جداً وبيحبوا يتمتعوا بالحياة، ومش بيعملوا ده بس لنفسهم، لأ ده بيعملوه كمان لأصحابهم وعيلتهم وشريك حياتهم طبعاً، عندهم طاقة بتشع منهم وبتخليهم طول الوقت مهتمين باللى حواليهم مش بس يدلعوهم، لأ وكمان يحلوا لهم مشاكلهم ويساعدوهم، بيحسوا أن حياتهم السعيدة دى جزء من مسئولياتهم الشخصية. برج الأسد من أكتر الأبراج العاطفية القوية اللى كلها حب وشغف وحماس وكمان قوة وطاقة.. سواء صديق أو شريك هو شخص هيفرق فى حياتك وهيغيرها للأحسن، أهم حاجة أنه بس يحس بالقدر من الاهتمام اللى يحمّسه ويديله الطاقة اللى محتاجها. الأسد ممكن يتظاهر بالضعف عشان يظهر الأعداء اللى حواليه، وفى الآخر يصدم عدوه بقوته لكنه لا يؤذى أحد. لهذه الأسباب مجتمعة يقترح صديقى محمد الميكانيكى أن نعمل نقابة تجمع مواليد برج الأسد.
كل سنة وكل الأسود واللى بيحبوهم بخير..

• الثقة بالنفس
• الثقة فى النفس
• الفيس بوك
• برج الأسد
• رجالة وستات
• كل سنة
• وجهة نظر
• أبراج
• أبعاد
• أخطر
• الثقة بالنفس
• الثقة فى النفس
• الفيس بوك
• برج الأسد
• رجالة وستات
• كل سنة
• وجهة نظر
• أبراج
• أبعاد
• أخطر
• الثقة بالنفس
• الثقة فى النفس
• الفيس بوك
• برج الأسد
• رجالة وستات
• كل سنة
• وجهة نظر
• أبراج
• أبعاد
• أخطر
• الثقة بالنفس
• الثقة فى النفس
• الفيس بوك
• برج الأسد
• رجالة وستات
• كل سنة
• وجهة نظر
• أبراج
• أبعاد
• أخطر