إيناس مكي: وفاة أمي أثرت عليا نفسيًا.. وأخويا أحمد هو سندي
إيناس مكي: وفاة أمي أثرت عليا نفسيًا.. وأخويا أحمد هو سندي
كشفت الفنانة إيناس مكي تفاصيل حالتها النفسية بعد وفاة والدتها، خلال الفترة الماضية، وذلك خلال حلولها ضيفة على أحد البرامج التليفزيونية، مشيرة إلى أنها غير متزنة نفسيا.
إيناس مكي تتحدث عن حالتها النفسية بعد وفاة والدتها
وقال مكي: «أنا مش متزنة نفسيًا بعد موت أمي، وجات فترة كنت ما بعرفش أنام، وباقوم مفزوعة ومن كتر عياطي عيني تعبت، أنا عيطت الفترة اللي فاتت كتير جدًا، وحزينة جدا على وفاتها».
حقيقة خلاف أحمد مكي وشقيقته إيناس
كما كشفت إيناس مكي، حقيقة خلافها مع شقيقها الفنان أحمد مكي، قائلة: «إشاعة إن فيه خناقة بيني وبين أخويا، وإن فيه بينا مشاكل الكلام ده مش مظبوط، يا إخوانا هو ضهري هو سندي هو أخويا، وأخويا مش مجبر أنه يشغلني، والناس بتفكر أن طالما كده يبقى فيه خناقة».
وأضافت: «وإحنا منطق الوساطة ده مش عندنا والله، ومش عارفة إذا كان ده عند كل الناس أو لأ، بس إحنا بطبيعتنا إن أنا مبتعداش حتة في حياته، وهو ميتعداش حتة في حياتي، والفكرة مش أنا وهو بس، إحنا الـ 5 إخوات كده».
