"أوتوستراد المعادى": الموقف بقى زريبة
![](https://watanimg.elwatannews.com/old_news_images/large/360243_Large_20150611105003_72.jpg)
«نخلص من الموقف يطلع لنا زريبة»، ملخص واقع يعيشه سكان صقر قريش بمنطقة المعادى، أبراج شاهقة ومداخل فاخرة وشوارع نظيفة لكنها لم تمنع وجود «زريبة مواشى» أسفل كوبرى الأوتوستراد بالمعادى، بعد مواجهة الأهالى لـ«موقف ميكروباصات» كان موجوداً فى المكان نفسه طيلة الشهور الماضية، قبل أن يتحول الموقف الذى أزاله الحى إلى «زريبة ومذبح».
عشرات الخراف والماعز تقف متفرقة أسفل الكوبرى، ذبائح على الأرض على بُعد أمتار منها يحاوطها 3 جزارين ينشغلون بسلخ الجلود، مشهد ألجم لسان «أحمد»، وهو يطالعه من شباك منزله الذى يطل على الكوبرى، متسائلاً فى نفسه بعد مغادرته المنزل واقترابه من المشهد: «دى زريبة حقيقى ولا خيال؟»، ليتفاجأ بأن الأمر حقيقة بعد أن أخبره القائمون على الأمر أنها «مزرعة جديدة فى المنطقة لتربية الخرفان والماعز ودبحها وبيعها». «الحلو ما بيكملش»، جملة لخص بها أحمد محمود، حال منطقته بعد حملات التطوير الأخيرة وإزالة الحى للموقف الذى كان يحدث عشوائية ويثير ضوضاء: «الواحد ما صدق إنه خلص من الموقف والحى استجاب لينا، فضلنا شهور بنعانى من سواقين الميكروباصات والموقف اللى كانوا عاملينه لحسابهم، وأصوات السواقين ومشكلاتهم اللى ما بتخلصش، ويوم ما يشيلوا الموقف يتقلب زريبة مواشى»، متابعاً بسخرية: «كان ما له الموقف من الأول». لم تكتمل فرحة الرجل الستينى بتطوير منطقته وإزالة موقف الميكروباصات: «الجزار بيتكلم بكل ثقة كأن تحت الكوبرى اللى واقف فيه مزرعة وارثها، وكنت فى الأول فاكر عشان قربنا من شهر رمضان والعيد فواقف يسترزق بس لما سألته قالى ى ده بقى مكان أكل عشنا يا بيه».
على محمد، مسئول بحى المعادى، أكد أنه توجد حملات مطاردات يومية ومتكررة ومتابعات دورية لن تتوقف بشوارع المعادى لإزالة الإشغالات، موضحاً أن اتخاذ المكان أسفل الكبارى لبيع الحيوانات أو ذبحها عمل غير قانونى ويجب على المتضرر أن يقوم بالإبلاغ فوراً: «الحى أزال موقف ميكروباصات فى نفس المكان، لأنه كان غير قانونى، وإذا تأكدنا من وجود زريبة أسفل الكوبرى ستتم إزالتها فى وقتها، وتوقيع غرامة على صاحبها قدرها 1000 جنيه».