ماذا طلب أول الثانوية الأزهرية 2024 علمي من شيخ الأزهر؟ «فيديو»

07:13 م | الأربعاء 31 يوليو 2024

نشرت مشيخة الأزهر الشريف عبر صفحتها على "فيسبوك"، فيديو لتهنئة الدكتور أحمد الطيب شيخ الأزهر، للطالب عمر محمد عطية، من الدقهلية، الأول على الجمهورية في الثانوية الأزهرية 2024 القسم العلمي، بمجموع 99.69%، وتضمنت طلبًا من الطالب لشيخ الأزهر الذي استجاب على الفور.

تهنيئة شيخ الأزهر لأوائل الثانوية الأزهرية

وجاء في فيديو تهنئة شيخ الأزهر للأول على الثانوية الأزهرية 2024 من القسم العلمي، الحوار التالي:

شيخ الأزهر: السلام عليكم يا عمر

والد عمر: وعليكم السلام معالي الإمام

شيخ الأزهر: أنت والده؟.. أومال عمر ولدنا راح فين؟.. وماتبلغوش الخبر قبل ما أبلغه أنا

شيخ الأزهر: أيوه يا عمر السلام عليكم

الطالب عمر: وعليكم السلام ورحمة الله وبركاته

شيخ الأزهر: يا سيدي ما شاء الله، تهانينا إحنا نبارك لك، طلعت الأول على الجمهورية القسم العلمي.

الطالب عمر: بجد؟

شيخ الأزهر: والله بجد وأنا اللي بكلمك واسمي أحمد الطيب وشيخ الأزهر

الطالب عمر: ازيك يا فضيلة الشيخ

شيخ الأزهر: الله يبارك فيك، وأنا كلمت الوالد قولت له ماتتكلمش معاه إلا لما أنا أكلمه

الطالب عمر: أنا عندي طلب بس معلش، عايزك تكلم والدتي

شيخ الأزهر: بالعكس أنا اللي كنت هقول لك عايز أكلم الوالدة

شيخ الأزهر لوالدة عمر: سلام عليكم يا ست أم عمر، ألف ألف مبروك، عمر طلع الأول على الجمهورية في القسم العملي، وواخد مجموع 648 من 650 بنسبة 99.69%

والدة الطالب عمر: ما شاء الله ربنا يبارك في حضرتك، إحنا من أول السنة وأنا بقول أهم حاجة إننا نسمع صوت حضرتك.

شيخ الأزهر: الله يبارك فيك

والدة الطالب عمر: ادعي له ربنا يحفظه

شيخ الأزهر: وأنت دايمًا وراه وتشجعيه، ويبقى دكتور كبير بإذن الله

والدة الطالب عمر: اللهم آمين يا رب، ويكون بار يا رب، ربنا يبارك في حضرتك

شيخ الأزهر: شكرًا يا بنتي مع السلامة

إعلان نتيجة الثانوية الأزهرية 2024

وكان قطاع المعاهد الأزهرية، قد أعلن نتيجة الثانوية الأزهرية 2024 في مؤتمر صحفي اليوم بمقر المشيخة، ومن المقرر أنّ تبدأ عملية التنسيق فور ظهور نتيجة امتحانات الدور الثاني.