أسامة كمال عن أسطورة الطفل المصري الأذكى في العالم: بلا نفخة كدابة

09:56 م | الجمعة 01 مايو 2015

قال الإعلامي أسامة كمال إن الجميع يتحدث عن العمل ويقول إن العمل عبادة ويتحدث عن إتقان العمل ويدلل على كلامه بأحاديث للنبي عليه السلام وآيات من القرآن والإنجيل، مضيفًا "وكأننا منتظرين أدلة بعد آلاف السنين عشان الناس تشتغل وتعمل شغلها بذمة وأمانة". وأضاف كمال، خلال برنامجه "القاهرة 360" على قناة "القاهرة والناس"، "هو إحنا مطلوب إننا نقعد نطبطب ونقول كلام من عينة الطفل المصري أذكى طفل في العالم، أمال الطفل الياباني مولود غبي؟ والعامل المصري أحسن عامل في العالم لو اتوفرت له الظروف، أمال العامل الألماني أسوأ عامل؟". وتابع "ويقولك الطبيب المصري والطيار المصري والمذيع المصري وحاجات من النوع ده، لأ يا سادة الكل مطالب يعمل في أي ظرف وكل ظرف، بلا تذمر ولا تحجج ولا نفخة كدابة". وواصل "لو كلامي مضايقكوا وإحنا في أيام مفترجة حقكوا عليا، العامل المصري أحسن عامل والطفل المصري أذكى طفل، والطيار المصري أحسن طيار والمذيع المصري أجدع مذيع، تمام كده؟ يلا ننام بقى".