حلم بسيط.. قصيدة لـ"زهرة مصطفى"
حلم بسيط.. قصيدة لـ"زهرة مصطفى"
القلب كتير بيحن.. يميل
مالهوش غير حلم بسيط وجميل
ويعدي اليوم.. يجي بعده اليوم
وسنين بتفوت.. والوقت يموت
والبال خالي
والعمر يضيع.. حواديت حواديت
وف لحظة شوق
بتاخدنا لفوق عن كل الكون
وتخبينا
نرجع تاني ..
و نقول تاني
القلب صفا وﻻ جفاني
ونكتب أشعار
ونغني أهات
انا كده محتار ويا زماني
ياقليب جواه حب وأشواق
انا خايفه عليك غدر زماني
هتحب؟ حب متسألنيش
ازاى هتعيش وهتعمل أيه
مهما جرالك
خليني هناك ويا الأحلام
انا هستناك
علشان عارفاك
هتعدي أيام
فى غرام وهيام
وتفوق من النوم ترجع تاني
هضحك وهاعيش
وكأن مفيش
ﻻ جراح فى حشاك
وﻻ كلمة عتاب
تسألني ازاي
راح ينساني
