بالفيديو| أبو حفيظة: صافيناز الوحيدة اللي مفيش اختلاف عليها في مصر
بالفيديو| أبو حفيظة: صافيناز الوحيدة اللي مفيش اختلاف عليها في مصر
عرض الإعلامي الساخر أكرم حسني، المعروف إعلاميًا بـ"أبو حفيظة"، قواعد الجدل في مصر، وذلك خلال برنامجه "أسعد الله مسائكم" على قناة "إم بي سي مصر".
وقال أبو حفيظة، إنه "لما بتكوني بتتناقشي مع ولد وتلاقيه يتعصب أوعي تقوليله شكلك حلو أوي يا بيبي وأنت متعصب، عشان القلم علي وشك هيبقى أحلى كتير، ولما تقعد تتناقش مع صاحبك وتلاقيه سكت وحط وشه في الأرض، أوعى تقتنع أنه وافق على كلامك ممكن يكون بيحضر طريقة لضربك".
وأضاف أبو حفيظة، قائلًا: "لما تيجي تتناقش مع باباك ومامتك لازم تتأكد إنك فاضي باقي الأسبوع، لأن الكلمة الوحيدة اللي هتسمعها إحنا أهلك وعارفين مصلحتك، ولما تتناقشي مع جوزك إتاكدي إن المصروف في جيبك"، متابعًا: "نصيحة لكل الناس اتكلموا في أي حاجة غير السياسة والكورة والفن والطبخ والأدب والتاريخ والموسيقى".
واستطرد: "لوعايزين تتكلموا في حاجة وميبقاش فيه اختلاف بينكم، اتكلموا عن صافيناز هي الحاجة الوحيدة اللي مبقاش فيه اختلاف عليها في مصر".
