الشاعر أحمد حسن راؤول يكشف موقفا إنسانيا جمعه بالفنان سامح حسين
الشاعر أحمد حسن راؤول يكشف موقفا إنسانيا جمعه بالفنان سامح حسين
كشف الشاعر أحمد حسن راؤول عن موقف إنساني جمعه بالفنان سامح حسين، بعد تصدر الأخير التريند خلال الساعات القليلة الماضية.
وكتب راؤول عبر حسابه بموقع التواصل الاجتماعي فيسبوك قائلا: «شهادة حق.. مرة كنت شغال مع الفنان سامح حسين في مسرحية جحا للأطفال.. وكنا قاعدين أول قعدة ترابيزة وبيجربوا الحوار وكده.. وجت جملة فيها إيحاء أو إفيه مش لطيف.. لقيت سامح حسين قال لهم معلش عاوزين نغير الجملة دي .. فقالوا له ليه وكده دي إفيه وهتجيب ضحك.. قال لهم لأ محبش ولادي ولا ولاد الناس يسمعوا الحاجات دي».
راؤول: صورتي عن سامح حسين دولا حبيبي
وأضاف: «وأصرّ.. وغيرها ساعتها مكونتش أعرفه شخصيا يعني، وكان أول يوم نتقابل وكانت صورته في بالي زي كل الجمهور.. دولا حبيبي والفنان الكوميدي اللذيذ وكده.. بس بجد والله من يومها واتغيرت فكرتي عنه جدا وحسيت إني بحبه في الله كده .. رغم أننا مابنتقابلش .. والمفروض إن اللي عمله ده هو الطبيعي .. بس للأسف الطبيعي أصلا مابيحصلش دلوقتي ده بالعكس.. فده كان بالنسبالي مميز».
واختتم: «أظن دلوقتي عرفت ليه ربنا حط في قلوب الناس كل الحب اللي حاصل الفترة دي ليك سامح حسين».
