ثلوج بالمحافظات.. والأرصاد: طقس سيئ حتى السبت
ثلوج بالمحافظات.. والأرصاد: طقس سيئ حتى السبت
«بطاطين، ملابس شتوية، جوارب وكوفيات»، يحملها محمد الوليد، فى جولته مع فريق من المتطوعين باسم فريق «مكافحة البرد» الذى يعانيه ساكنو الأرصفة، ويقول الوليد: «جمعنا نفسنا فى أقل من أسبوع وكل واحد فينا جمع تبرعات من جيرانه ومعارفه ونزلنا عشان نوزعها على المحتاجين فى الشوارع، بقينا نجمع بطاطين أو نشتريها بفلوس التبرعات وأى هدوم شتوى مش متهالكة بناخدها من الناس، وننزل فى عز الليل عشان ندور على المحتاجين وندفيهم، وقابلنا ناس كتير قاعدة فى الشوارع بلبس صيفى وكانوا بيموتوا من البرد». «8 أفراد»، هو عدد المتطوعين فى فريق «مكافحة البرد» لتوزيع «البطاطين» حتى الآن، ويضيف محمد: «نزلنا لحد دلوقتى الدقى وعبود والهرم والسيدة زينب والعتبة، وكل يوم بننزل مكان جديد ندور على المحتاجين، وهدفنا ندفى الغلبان». [SecondImage]
مبادرة فريق «مكافحة البرد»، تأتى فيما تتواصل الاضطرابات الجوية، وانخفاض درجات الحرارة، ونشاط الرياح المثيرة للرمال، حتى السبت المقبل، كما أكد الدكتور وحيد سعودى، المتحدث الرسمى باسم الهيئة العامة للأرصاد الجوية، واستمر إغلاق موانئ شرم الشيخ، والسويس، والإسكندرية، والدخيلة أمام الحركة الملاحية. وأدى سوء الأحوال الجوية، إلى انقطاع التيار الكهربائى عن معظم قرى المنوفية، كما انهارت مئذنة مسجد «ابن خلدون» فى منطقة المنشية بالإسكندرية وغطت الثلوج الشوارع.
