«الجليتر» موضة رمضان.. «أسماء» تبتكر زينة على شكل هلال ونجمة وبكار
«الجليتر» موضة رمضان.. «أسماء» تبتكر زينة على شكل هلال ونجمة وبكار
- الجليتر موضة رمضان
- موضة رمضان
- زينة على شكل الهلال والنجمة
- بكار
- زينة رمضان
- الجليتر موضة رمضان
- موضة رمضان
- زينة على شكل الهلال والنجمة
- بكار
- زينة رمضان
تستعد «أسماء» لشهر رمضان بشكل خاص، تتابع الأنواع الجديدة من الزينة المطروحة فى أسواق الجملة كل عام، وتحرص على عرضها للزبائن، ومن بينها الشخصيات الكرتونية مثل بوجى وطمطم وبكار، وشكل الهلال والنجمة، بالإضافة إلى أفرع الإنارة، التى لا تُصنع يدوياً، وإنما من خلال الماكينات.
تحكى أسماء سليم، المتخصّصة فى بيع المنتجات الرمضانية، أن الزينة الورقية لم تعد مقبولة الآن، فى ظل طرح زينة حديثة بأشكال مبتكرة ومبهجة: «الناس بقت بتشترى الزينة الجاهزة، لأن فكرة إن حد يعملها فى البيت دلوقتى بقت صعبة».
«أسماء»: فرع الزينة الـ50 متر الأكثر انتشارا
تقول السيدة الثلاثينية، إن المنتشر هذا العام فرع زينة طوله 50 متر بجميع الألوان: «ممكن تتحكم فيه وتخلى أنواره متحركة أو ثابتة، وده بيغطى جزء كبير من البيت، وبينفع أوى للبلكونات»، لافتة إلى أن الزينة أصبحت على شكل مجسمات ونجوم وهلال، وأقمشة الخيامية تطورت وتعددت استخداماتها: «الناس بتعلقها وتفرشها على السفرة أو الأنتريه، والجميل أن الزينة بقت فى كل مكان فى البيت، والجديد السنة دى فروع النور والإضاءة الكتيرة».
«أسماء»: «دلوقتى هتلاقى الناس بتشترى الزينة الجاهزة»
ومن أنواع الزينة الرائجة، حسب «أسماء»، تلك التى بصور أصحابها، من خلال طباعة صورهم بدلاً من الشخصيات الكرتونية المشهورة، ولصقها أيضاً على الفوانيس والملابس والمخدات وغيرها: «كل سنة بيظهر حاجة جديدة، والزينة الجليتر بقت منتشرة برضه، زمان محدش كان يسمع عنها»، مؤكدة أن نمط الحياة السريع جعل الناس يفضلون شراء الزينة وتعليقها قبيل الشهر الكريم، بدلاً من الجلوس لساعات طويلة وتقطيعها وتصميمها: «حتى فى معظم المناطق الشعبية، دلوقتى هتلاقى الناس بتشترى الزينة الجاهزة، علشان بتكون بكميات كبيرة تغطى الشارع كله».
