نيفين مندور تكشف حقيقة زواجها من محمد سعد: بيسألوني عنه في الشارع

08:35 م | الجمعة 11 مارس 2022

كشفت الفنانة نيفين مندور عن حقيقة زواجها من الفنان محمد سعد، قائلة: «الإشاعة دي سمعتها من ناس كتير بتشوفني في الشارع وتسألني إنتي بجد مرات محمد سعد؟ الإشاعة دي مقرتهاش بس، لكن اتقالت في وشي من الناس».

الإشاعات شر لا بُد منه

وأضافت نيفين مندور خلال لقاء ببرنامج «كلام الناس»، المذاع على شاشة قناة «mbc مصر»، وتقدمه الإعلامية ياسمين عز، اليوم الجمعة، أن النجوم في الوسط الفني معرضون للإشاعات المستمرة متابعة: «تقبلت الإشاعات دي وقلت شر لابد منه».

جوزي طلق مراته الأولى بعد شهرين من زواجنا

كما كشفت عن زواجها من فتى أحلامها بعد قصة حب استمرت 23 عامًا، قائلة: «اعترف لي بحبه من 23 سنة، وقالي ساعتها مقدرش عليكي نبقى أصحاب بس، لأنه كان متجوز ومخلف، وفي مرة قلت له ما تيجي نتجوز، مفكرش واتجوزنا، وبعدها بشهرين طلق مراته الأولى، وبقيت أنا الوحيدة اللي في حياته».

بحاول أقلد مامي في كل حاجة

وتابعت الفنانة نيفين مندور: «جوزي مسميني (أبوعلي) وبحاول أقلد مامي في كل حاجة عشان كانت بـ100 راجل، وحبيت الشخصية دي، ولما مامته اتوفت ووقوفي جنبه في الوقت ده خلاه يسميني (أبوعلي) وشافني جدعة وكنت أنا الوحيدة اللي مسموح لي أكلمه في أي وقت قبل ما أتجوزه».

كنت بفكر أخلف طفل وأهرب بيه

ولفتت إلى أن أمنية حياتها قبل زواجها تبني طفل، معقبة: «كنت في الأول رافضة مبدأ الزواج، وبابا لو فضلت العمر كله قدامه مش هيعترض، وكنت مقتنعة بالموضوع ده لحد ما قالي الجواز شر لابد منه وسنة الحياة».

وأوضحت أنها كانت ترغب في الزواج لمجرد الإنجاب فقط، ثم تقرر الانفصال بعد ذلك، معقبة: «كنت بفكر أتجوز عشان أخلف وآخد ابني وأسافر أو أطلق، بس استحرمت أحرم ابن من أبوه».