«كل ممثل ليه اتجاه».. كريم محمود عبد العزيز يكشف رأيه في المنافسة مع «هنيدي وعز»
«كل ممثل ليه اتجاه».. كريم محمود عبد العزيز يكشف رأيه في المنافسة مع «هنيدي وعز»
- كريم محمود عبد العزيز
- فيلم موسي
- فيلم كريم محمود عبد العزيز
- موسي
- اياد نصار
- كريم محمود عبد العزيز
- فيلم موسي
- فيلم كريم محمود عبد العزيز
- موسي
- اياد نصار
حقق الفنان كريم محمود عبد العزيز بفيلمه الجديد «موسى» مركزا قويا في شباك الإيرادات محتلا المركز الثاني، بعد فيلم «الإنس والنمس» لمحمد هنيدي وقبل فيلم العارف لأحمد عز.
كريم محمود عبد العزيز يكشف عن رأيه في المنافسة
وعن رأيه حول المنافسة في شباك التذاكر مع محمد هنيدي وأحمد عز وغيرهما، قال الفنان كريم محمود عبد العزيز في تصريحات خاصة لـ «الوطن»: «مبشوفش إن فيه منافسة، كل واحد في الدنيا حتى لو مش ممثل ليه طريقة وليه أسلوبه وليه شكله».
وتابع كريم، قائلا «كل ممثل ليه اتجاه معين وليه ناس معينة بتحبه السينما دايما طول عمرها مفتوحة لأي حاجة تتعمل فيها، الناس بتخش كل الأفلام مش بتخش لنجم واحد».
أما عن فيلم موسى وكونه تجربة جديدة في عالم الخيال، قال كريم «ما دام فيه مخرج شاطر وعايز يعمل حاجة صح بيبقي فيه جزء أنت مطمن منه ربنا أكيد بإذن الله هيوفقنا في حاجة زي كدا، وبعدين ماهو لازم نعمل الجديد علشان يبقى فيه تجربة بعدها كمان وإن شاء الله تبقى أحسن».
فيلم موسي
يذكر أن فيلم موسى بطولة كريم محمود عبد العزيز، ويجسد من خلاله دور شاب يدرس في كلية الهندسة يدعى «يحيى» يخترع روبوت يدعى موسى ليساعده في الانتقام لوالده.
ويشارك كريم محمود عبد العزيز في البطولة، أياد نصار وأسماء أبواليزيد وسارة الشامي وصلاح عبد الله ومحمد جمعة وعدد آخر من الفنانين بالإضافة إلى عدد من ضيوف الشرف، ومنهم أحمد العوضي وأمير كرارة وأحمد حاتم وهو من إخراج بيتر ميمي.
