أحمد العوضي يحذر: محدش يتكلم عن حالة ياسمين عبد العزيز غيري
أحمد العوضي يحذر: محدش يتكلم عن حالة ياسمين عبد العزيز غيري
- ياسمين عبدالعزيز
- الحالة الصحية لياسمين عبدالعزيز
- ياسمين عبد العزيز
- اخر اخبار ياسمين عبدالعزيز
- ياسمين عبدالعزيز
- الحالة الصحية لياسمين عبدالعزيز
- ياسمين عبد العزيز
- اخر اخبار ياسمين عبدالعزيز
قال الفنان أحمد العوضي، عبر حسابه على موقع التواصل الاجتماعي، إن أي تصريحات بشأن الوضع الصحي لزوجته الفنانة ياسمين عبد العزيز ستكون عن طريقه هو فقط وليس عن طريق أحد آخر.
أحمد العوضي: ياسمين في الرعاية ومحتاجة دعواتكم
وكتب أحمد العوضي عبر حسابه بـ«فيس بوك» قائلًا: «يا جماعة بعد إذنكم أي تصريح عن الحاله عن طريقي فقط، وأنا مقلتش أي تصريح عن حالة ياسمين غير أني طلبت منكم دعواتكم وتمنياتكم لها بالشفاء العاجل شكرا ليكم».
وأضاف: «هي في الرعاية دلوقتي ومحتاجه دعواتكم.. دي كفايه إنها تهون عليها».
وكان الفنان أحمد العوضي قد كشف عن مرور زوجته الفنانة ياسمين عبدالعزيز، بأزمة صحية عبر حسابه بموقع التواصل الاجتماعي قائلًا: يمكن ببان قدامكم دايمًا قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا.
وتابع: أنا ضعيف جدًا من غيرك إنتي لازم تبقي كويسة ولازم تقومي بالسلامة، أنا لأول مرة أكتب من غير ما أكون مفكر أنا بكتب إيه وهكتب إيه؟، بس إنتي هتقومي إن شاء الله بإذن الله عشان إنتي وعداني وعد وهتنفذيه.
واستطرد قائلًا: أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما إنتي بتشوفيني أنا دلوقتي ضعيف ضعيف جدًا لحد ما تقوميلي تاني عشان زي ما إنتي بتاخدي قوتك مني أنا كمان باخد قوتي منك.
واختتم العوضي رسالته لزوجته ياسمين عبدالعزيز قائلًا: قومي عشان أنا بحبك، بحبك أكتر بكتير من كل الكلام اللي أنا كتبته، أكتر بكتير من كل اللي عدينا بيه مع بعض من أيام حلوة ومواقف صعبة مرت علينا، أكتر بكتير حتي من الموقف اللي احنا فيه دلوقتي، أنا بحبك.
وطالب الفنان أحمد العوضي، من جمهوره ومتابعيه ضرورة الدعاء لزوجته ياسمين عبدالعزيز، بقوله: ادعولها تقوم بالسلامة زي ما إنتو دايمًا بتدعولها بالنجاح والتوفيق، هى دلوقتي محتاجة دعواتكم.
