بدرية طلبة لـ ياسمين عبد العزيز: ربنا يبعد عنك العين يا نور عيني
بدرية طلبة لـ ياسمين عبد العزيز: ربنا يبعد عنك العين يا نور عيني
- ياسمين عبدالعزيز
- ياسمين عبد العزيز
- الحالة الصحية لياسمين عبدالعزيز
- مرض ياسمين عبدالعزيز
- ياسمين عبدالعزيز
- ياسمين عبد العزيز
- الحالة الصحية لياسمين عبدالعزيز
- مرض ياسمين عبدالعزيز
حرصت الفنانة بدرية طلبة، على دعم الفنانة ياسمين عبدالعزيز، في أزمتها الصحية التي تمر بها حاليا، بعد إجراء عملية خطيرة خلال الساعات الماضية، حجزت على إثرها بغرفة العناية المركزة بأحد المستشفيات.
ونشرت بدرية طلبة، عبر حسابها على «انستجرام»، مقطع فيديو يجمعها بـ ياسمين عبدالعزيز، من كواليس تصوير أحد الأعمال الفنية، وعلقت: «ألف سلامة يانور عيني، ربنا يقومك بالسلامة لحبايبك ولجمهورك اللي بيحبك وبيدعيلك من قلبه بالشفا، وربنا يبعد عنك العين».
أحمد العوضي يكشف عن الأزمة الصحية لزوجته ياسمين عبد العزيز
وكان الفنان أحمد العوضي، قد كشف عن مرور زوجته الفنانة ياسمين عبدالعزيز، بأزمة صحية، عبر حسابه على فيس بوك: «يمكن ببان قدامكم دايمًا قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا».
وتابع: «أنا ضعيف جدًا من غيرك، إنتي لازم تبقي كويسة ولازم تقومي بالسلامة، أنا لأول مرة أكتب من غير ما أكون مفكر أنا بكتب إيه وهكتب إيه؟، بس إنتي هتقومي إن شاء الله بإذن الله، عشان إنتي وعداني وعد وهتنفذيه».
وأضاف: «أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما إنتي بتشوفيني، أنا دلوقتي ضعيف، ضعيف جدًا، لحد ما تقوميلي تاني، عشان زي ما إنتي بتاخدي قوتك مني أنا كمان باخد قوتي منك».
واختتم العوضي، رسالته لزوجته ياسمين عبدالعزيز: «قومي عشان أنا بحبك، بحبك أكتر بكتير من كل الكلام اللي أنا كتبته، أكتر بكتير من كل اللي عدينا بيه مع بعض من أيام حلوة ومواقف صعبة مرت علينا، أكتر بكتير حتى من الموقف اللي احنا فيه دلوقتي، أنا بحبك».
وطالب الفنان أحمد العوضي، من جمهوره ومتابعيه، الدعاء لزوجته ياسمين عبدالعزيز: «ادعولها تقوم بالسلامة زي ما انتو دايمًا بتدعولها بالنجاح والتوفيق، هي دلوقتي محتاجة دعواتكم».
