«باب التوبة مش موجود على انستجرام».. هجوم حاد من الفنانين على حلا شيحة
«باب التوبة مش موجود على انستجرام».. هجوم حاد من الفنانين على حلا شيحة
هاجم عدد من الفنانين وصناع السينما الفنانة حلا شيحة، بعد تصريحتها الأخيرة بشأن تبرئها من فيلم «مش أنا»، كما وجهت نصيحة لزملائها في الوسط الفني بالتوبة عن نوعية الأعمال التي يقدموها على الشاشة.
محمد العدل لحلا شيحة: لما تطلقي ما ترجعيش تمثلي تاني
وكان من بين المهاجمين المخرج محمد جمال العدل، الذي نشر عبر حسابه على «فيس بوك»، قائلا: «يا ريت بس لما تطلقي مترجعيش تقولي عايزة أمثل تاني يا أستاذة حلا»، وعلقت الفنانة رباب ممتاز قائلة: «قلتلها كدة أول ما قلعت الحجاب ورجعت لينا، وزمايل ليا زعلوا وقالوا سبيها حرام، وكنت عارفة أن الدين عندها مواسم، احنا وحشين مترجعيش المعصية تاني».
بينما قالت المخرجة عزة الحسيني رئيس مهرجان الأقصر للسينما الأفريقية: «واخدة الفن سلم».
وكتب أحمد الشامي عبر حسابه على «تويتر»: «والله أنا مبسوط من كل الردود أن الناس فاهمة، أن كل ده أكل عيش، وأن لو الشهرة فتنة وهي مقتنعة كانت هي بنفسها قفلت كل السوشيال ميديا، ووقفت كلام مع صحافة».
خالد تاج الدين لحلا شيحة: تخلصي من الفلوس اللي قبضتيها من الفن
ومن جانبه، قال الشاعر الغنائي خالد تاج الدين: «ربنا يثبتك وتحلي عنا بقي، ما هو مترجعيش تعملي شوية فلوس زي الفل وبعد كدة تشتمى الفن، وياريت تتخلصي من كل الفلوس اللي قبضيتها في السنتين اللي رجعتي (مثلتي) فيهم علينا».
وتهكمت الفنانة رندا البحيرى على المنشور الأخير لشيحة، قائلة: «هو محدش قال لحلا إن باب التوبة مش موجود عالإنستجرام، حد ياخد بقي منها الموبايل بسرعة»، وتابعت: «هو محدش فهمها أن اللي بتعمله ده ممكن يعرضها للمسائلة القانوينه وأنها بتضر بسمعة فيلم وبالتالي إيراداته».
وتبرأت الفنانة حلا شيحة من كليب أغنية «بحبك» من فيلم «مش أنا» التي ضمت مشاهد متفرقة من الفيلم، حيث وصفت الكليب بـ«ميرضيش ربنا».
وقالت شيحة: «أنا عارفة ومتأكدة أن زملائي جواهم خير بس للأسف فتنة الشهرة والنجاح مش بتخلينا نشوف، والفن اللي بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن، يا سلام لو أصواتنا ومواهبنا كلها نستعملها في الخير عشان يبقى فن بجد».
