ميار الببلاوي ترد على مهاجميها: «مبدعيش المرض.. حسبي الله ونعم الوكيل»

هاجمت الفنانة والإعلامية ميار الببلاوي كل من ردد أن تعرضها مؤخرا لكسر في أصابع قدمها «ادعاء»، وكتبت عبر حسابها الشخصي بموقع «فيسبوك»، قائلة: «للي باعتنلي بيقولوا انتي كل حاجه تهوليها ايه يعني ضلفة دولاب، طيب دي ضلفة الدولاب أداة الجريمة، أمي بتحب الخشب الأرو والأوضة العمولة وبتعتز جدا بيها، وبتقول دى بتعيش وملهاش دعوه الموديل اتغير ولا لا».

وأضافت ميار الببلاوي: «المهم ضلفة الدولاب محدش يقدر يشيلها ولا الأدراج ولا حتى ملة السرير والله الضلفة دي النجار بيجيب البواب وواحد كمان علشان يشيلوها، أنا مبدعيش أنا تعبت من نومه السرير بقالي شهور، كل ماقوم يوم أنام شهر مش قادرة اتحرك للي يعرفني يعرف إني والله نفسي أقوم علشان أمي وابني ومحدش بيخدم حد ومحدش بيستحمل حد».

واختتمت ميار: «يارب ماتحوجنى يارب رضيت بقضائك بس لا أسألك رد القضاء ولكني أسألك اللطف فيه، ويا شمتانين أنا مباذيش حد ولا بغضب ربنا لأي سبب وشماتتكم فيا ربنا عالم بيها حسبي الله ونعم الوكيل».

ميار الببلاوي تعلن إصابتها في قدمها

وأعلنت الإعلامية ميار الببلاوي منذ أيام إصابتها في أصابع قدمها، بعد سقوط ضلفة الدولاب عليها، ما أدى إلى كسر أصابعها.

ونشرت ميار عبر حسابها بموقع «فيسبوك»، صورة لقدمها، وعلقت قائلة: «آسفة لبشاعة المنظر، وعارفه انكوا زهقتوا مني، بس والله ما عارفة أقول ايه غير يا رب الصبر من عندك، بفتح ضلفة الدولاب الصبح وقعت على رجلي كسرتلي أربع صوابع، وصابعي الكبير تهتك تماما، وعملت عملية شالولي الضافر، دي رجلي الشمال، اليمين كسر مضاعف والصباع الكبير شكله صعب جدا».

وأضافت: «بس الحمد لله متكسرش ربنا عالم بيا الوجع بتاع شيل الضافر مع الكسر فوق احتمال البشر، مكسوفة أقول ادعولي، بس هطلب منكم الدعاء وأنا عارفة أنكم زهقتوا مني بس دا قضاء ربنا، اللهم لا اعتراض».

• ميارالببلاوي
• الاعلاميه ميارالببلاوي
• اصابة ميارالببلاوي
• ميارالببلاوي
• الاعلاميه ميارالببلاوي
• اصابة ميارالببلاوي