حمو بيكا يستجيب لهاني شاكر: «لغيت كل شغلي.. تعليماتك أوامر»
حمو بيكا يستجيب لهاني شاكر: «لغيت كل شغلي.. تعليماتك أوامر»
أجرى مغني المهرجانات الشعبية حمو بيكا مداخلة هاتفية مع الإعلامي شريف عامر مقدم برنامج «يحدث في مصر»، المذاع عبر شاشة «mbc مصر»، للرد على التصريحات الإيجابية التي أدلاها بشأنه الفنان هاني شاكر نقيب المهن الموسيقيين، بعدما وصفه بالشخص «المؤدب»، في حلقة اليوم من البرنامج.
بدأ الأمر بمداخلة لنقيب المهن الموسيقية هاني شاكر خلال الحلقة ذاتها، أخبره خلالها الإعلامي شريف عامر أن حمو بيكا طلب مداخلة هاتفية، ليرد «شاكر»، قائلًا: «حمو بيكا أولا وأخيرا أخويا الصغير وبحب والدته جدا، ودعوا ليا بعد إلغاء حكم الحبس، لأني مكنتش هعرف أنام ولا أحط دماغي على المخدة لو حصل حاجة، لكن هو عرف إنه غلط وتراجع عن أخطائه».
وأضاف: «لما يكلمني هطلب منه يبطل شغل ويتدرب وإن شاء الله ينجح في الامتحان المرة الجاية»، ليرد عليه «بيكا» في المداخلة، قائلا: «ربنا يخليك لينا وما يحرمنا منك، وبحبه والله العظيم، وأحترم كل قوانينه، وكل اللي يقولي عليه هقول حاضر ونعم، ولغيت كل شغلي».
ورحب هاني شاكر بتصريحاته، ورد قائلا: «لو سمحت بجد عاوزك تركز الفترة الجاية، وركز في التدريب لأنه هيفرق معاك كتير، ولو نجحت هتبقى تحت مظلة النقابة وهنقولك إيه اللي يتقال وإيه اللي ميتقالش، عشان خاطر ربنا وعشان خاطر حمو نفسه ركز شوية في الدروس لأن الامتحان قرب».
ورد عليه مغني المهرجانات قائلا: «ربنا يخليك لينا ويفضل حسك في الدنيا دايما وكل تعليماتك أوامر، وشيرت أغنيتك عندي أول ما نزلت»، ووجهه هاني شاكر بتقديم غناء يليق بمصر وشعبها.
